له راپۆرته‌كه‌دا به به‌ڵگه باس له حاڵه‌تى 15 خێزانى مووسڵیى كراوه، كه رایانگه‌یاندووه، دواى گه‌ڕانه‌وه‌ى سوپا بۆ شارى مووسڵ، رۆڵه‌كانیان له لایه‌ن هێزه ئه‌منییه‌كانه‌وه ده‌ستگیركراوون.
روانگه‌ى عێراقى بۆ مافه‌كانى مرۆڤ، رایگه‌یاند، حكومه‌تى عێراق كه‌مته‌رخه‌مه له ئاست چاره‌سه‌ركردن و یه‌كلاكردنه‌وه‌ى پرسى بێسه‌روشوێنبووه‌كانى شه‌ڕى مووسڵ.
دواى زیاتر له دوو ساڵ داگیركردنى مووسڵ له لایه‌ن داعشه‌وه، سوپا و هێزه ئه‌منییه‌كانى عێراق له تشرینى یه‌كه‌می 2016دا قۆناغى یه‌كه‌مى هێرشیان بۆ سه‌ر مووسڵ ده‌ستپێكرد.
روانگه‌ى عێراقى بۆ مافه‌كانى مرۆڤ، ئه‌مڕۆ راپۆرتێكى له ژێر ناونیشانى (خێزانى بێسه‌روشوێنبووه‌كانى مووسڵ: رۆڵه‌كانمان له زیندانه‌كانى حكومه‌تدان) بڵاوكرده‌وه.
له راپۆرته‌كه‌دا به به‌ڵگه باس له حاڵه‌تى 15 خێزانى مووسڵیى كراوه، كه رایانگه‌یاندووه، دواى گه‌ڕانه‌وه‌ى سوپا بۆ شارى مووسڵ، رۆڵه‌كانیان له لایه‌ن هێزه ئه‌منییه‌كانه‌وه ده‌ستگیركراوون و ئێستا له زیندانه‌كانى به‌غدادا زیندانیكراوون.
هه‌ندێك له خێزانه‌كان باسیان له‌وه كردووه، رۆڵه‌كانیان له لایه‌ن داعشه‌وه ده‌ستگیركراوون و دواتر هێزه ئه‌منییه‌كانى عێراقیش جارێكى دیكه ئه‌وانیان بێسه‌روشوێن كردووه‌ته‌وه و تا ئێستا چاره‌نووسیان نادیاره.
کۆمێنت (0)
تا ئێستا هیچ کۆمێنتێک نەکراوە.