له‌راگه‌یاندراوێكدا كه‌وێنه‌یه‌ك ده‌ست مالپه‌رى كوردستان تیڤی كه‌وتووه ، به‌ڕێوه‌به‌رایه‌تى پۆلیسی پارێزگای سلێمانی ڕایده‌گه‌ێنێت ، لەدرێژەی هەڵمەتەكانی بەڕێوەبەرایەتی پۆلیس بۆ گەراِن و پشكنینی كافتریا و یانە شەوانەكان و دەستگیركردنی ئەو كەسانەی كە سەرپێچی یاسادەكەن ، هێزەكانی بنكەی پۆلیسی سەرا بەبڕیاری بەڕێز دادوەر و بە پێی ماددەی 389 لەیاسای سزادانی عیراقی توانییان 21 تۆمەتبار دەستگیربكەن كە لەناو كافتریایەكدا لەشاری سلێمانی هەستابوون بە قومار كردن .
ڕاشیده‌گه‌یه‌نن ، تۆمەتباران بەبڕیاری دادوەرو بە پێی ماددەی 389 دەستگیركران و دەستیش گیرا بەسەر بڕێك پولی قوماركردن و چەند پارچە چەقۆو بۆكس خەنجەرێكدا .
له‌كۆتادا ڕایده‌گه‌یه‌نن ، هەڵمەتەكانی بەڕێوەبەرایەتی پۆلیسی پارێزگای سلێمانی بۆ گەڕان و پشكنینی كافتریاو یانە شەوانەكان بەردەوامییان هەیەو هەركەسێك سەرپێچی یاسا بكات دەستگیر دەكرێت و لێپێچینەوەی یاسایی لەگەڵدا دەكرێت .
شوان عه‌زیز
کۆمێنت (0)
تا ئێستا هیچ کۆمێنتێک نەکراوە.