له‌ڕاگه‌یاندراوێكدا كه‌وێنه‌یه‌ك بۆ ماڵپه‌رى كوردستان تیڤى نێردراوه لیژنەی هاوبەشی چاودێری و چاکسازی بزوتنەوەی ئیسلامی ڕایده‌گه‌ێنێت ئه‌و هه‌واڵه‌ی له رۆژنامه‌ی ژیان بڵاو كراوه‌ته‌وه دوورو نزیك هیچ په‌یوه‌ندیه‌كی به‌وبابه‌ته‌وه‌نییه كه له رۆژنامه‌ى ژیان دا بڵاوكراوه‌ته‌وه
له‌ژماره‌ى 65 ى ڕۆژنامه‌ى (ژیان )ى سه‌ر به‌لاهوری شێخ جه‌نگی له‌هه‌واڵێكدا رایانگه‌یاند بوو لێژنه‌ى چاكسازى هاوبه‌ش چه‌ند ئه‌ندامێكى سه‌ركردایه‌تى بزووتنه‌وه‌ی ئیسلامی به‌هۆی نزیك بوونیان له‌پارتى دیموكراتى كوردستان دورخستۆته‌وه و له‌به‌رامبه‌ردا ئه‌مرۆ بزووتنه‌وه‌ی ئیسلامی له له‌راگه‌ێندراوێكدا ئه‌و هه‌واڵه‌ى ره‌تكرده‌وه و به بێ بنه‌ما وه‌سفى ده‌كات و ده‌ڵێت دورخستنه‌وه‌ى ئه‌و چه‌ند ئه‌ندامه هیچ په‌یوه‌ندییه‌كى به‌و بابه‌ته‌وه نییه به‌ڵكو دروستكراوه و بڕیاره‌كه له چوارچێوه‌ى ئه‌و رێو شوێن و چاكسازیانه‌ی نێوخۆى بزووتنه‌وه‌ى ئیسلامیه كه پێویست بوون حزب بیگرێته به‌ر .
کۆمێنت (0)
تا ئێستا هیچ کۆمێنتێک نەکراوە.