شاندێکی پارتی بەشداریی کۆنفرانسی پارتە سیاسییەکانی ئاسیای له‌ موسکۆ کرد

شاندێکی پارتی دیموکراتی کوردستان بەشداریی کۆنفرانسی پارتە سیاسییەکانی کیشوەری ئاسیای کرد.

کۆنفرانسەکە بە بەشداریی زیاتر لە 300 سیاسەتمەداری 70 پارتی سیاسیی 40 وڵاتی ئاسیا رۆژی چوارشەممە 24/10/2018 لە مۆسکۆی پایتەختی رووسیا دەستی پێ کرد و ماوەی چوار رۆژ بەردەوام بوو.

ئەو کۆنفرانسە، کە کۆنفرانسی 10ـەیەمینی پارتە سیاسییەکانی ئاسیایە، لەژێر ناوی ”رۆڵی پارتە سیاسییەکان لە کەمکردنەوەی ناکۆکییە نێودەوڵەتییەکان“ دەستی بە کارەکانی کردووە.

هۆشیار سیوەیلی، بەرپرسی مەکتەبی پەیوەندییەکانی دەرەوەی پارتی دیموکراتی کوردستان بە نوێنەرایەتیی پارتی، بەشداریی ئەو کۆنفرانسەی کردووە.

له‌ لایه‌كى تره‌وه‌ مەکتەبی پەیوەندییەکانی دەرەوەی پارتی دیموکراتی کوردوستان خوانێکی بۆ قوتابیانی خوێندنی باڵای هەرێمی کوردستان ڕێکخست لە مۆسکۆی پایتەختی ڕووسیا

لەلایەن بەڕێز ووشیار سیوەیلی بەرپرسی مەکتەبی پەیوەندییەکانی دەرەوە پاش بەخێرهاتن و خۆشحاڵی دەربڕین لەنزیکەوە ئاشنای قوتابیانی کورد بوون له‌ موسكۆ.

باس لە باروودۆخی هەرێمی کوردستان و سەرکەوتنەکانی پارتی لە هەڵبژاردنی عێراق و پەرلەمانی کوردستان كرا و باس لە ڕووئیای پارتی کرا هەم لەپێکهێنای کابینەی نوێ حوکمەتی عێراق و هەم حکومەتی هەرێمی کوردستان.

باسی لە باردوخی دوای ۱٦ ئۆکتوبەرو بەرگری پێشمەرگەی پارتی لە مانەوەی قەوارەی هەرێمی کوردستان کرا.

هەروەها باس لە ژیان و بارودۆخی قوتابی کورد کرا، کە ئامانجی سەرەکی قوتابیان خوێندنەوەو لە ته‌ك خوێندن بەرز ڕاگرتنی نیشتیمان پەروەرییە.

وە ئاماژەی بەوەدا کە هەر قوتابیەک سەفیرێکی ووڵاتی خۆیەتی لە کۆلێژ و زانکو شارەکانی خۆیان.