پەرلەمانی کوردستان دوایین دانیشتن ئه‌نجامده‌دات

وابڕیارە ئەم هەفتەیە، پەرلەمانی كوردستان دوایین دانیشتنی خولی چوارەمی خۆی ئەنجامبدات، سەرۆكایەتی پەرلەمانیش كارنامەی دانیشتنەكە بڵاودەكاتەوە.

ده‌سته‌ی سه‌رۆكایه‌تیی په‌رله‌مانی كوردستان، به‌رنامه‌ی كاری دانیشتنی ژماره‌ (1)ی نائاساییی رۆژی چوارشه‌مه‌ رێككه‌وتی 2018/10/31ی راگه‌یاند كه‌ به‌مشێوه‌یه‌ی خواره‌وه‌یه‌:

به‌رنامه‌ى كار

به‌پێى حوكمه‌كانی بڕگه‌ (1)ی مادده‌ (16) و مادده‌ (47) له‌ په‌یڕه‌وی ناوخۆی په‌رله‌مانى كوردستان ـ عێراق، ده‌سته‌ى سه‌رۆكایه‌تیى په‌رله‌مان، بڕیاریدا كاتی دانیشتنى ژماره‌ (1)ى نائاسایى خولى به‌هاره‌ی ساڵی پێنجه‌م له‌ خولی هه‌ڵبژاردنی چواره‌مى په‌رله‌مان له‌ كاتژمێر (12)ى نیوه‌ڕۆی رۆژی چوارشه‌ممه‌ رێكه‌وتی 31/10/2018 بێت و به‌رنامه‌ی كاری دانیشتنه‌كه‌ به‌م شێوه‌یه‌یه‌:

یه‌كه‌م: كۆتاییهاتنی خولی هه‌ڵبژاردنی چواره‌می په‌رله‌مان به‌پێى حوكمی مادده‌ی (6) له‌ په‌یڕه‌وی ناوخۆی په‌رله‌مانى كوردستان ـ عێراق.

دووه‌م: وتاری به‌ڕێز جێگری یه‌كه‌می سه‌رۆكی په‌رله‌مان به‌بۆنه‌ی كۆتاییهاتنی خولی هه‌ڵبژاردنی چواره‌می په‌رله‌مانی كوردستان ـ عێراق.

ده‌سته‌ی سه‌رۆكایه‌تیی په‌رله‌مانی كوردستان-عێراق