سه‌رۆكی یه‌كێتی مامۆستایانی كوردستان رایده‌گه‌ێنێ، به‌پێی ئه‌و به‌ڵێنه‌ی به ئێمه دراوه، بڕیاره له كابینه‌ی نوێی حكوومه‌ت و دوای سه‌ری ساڵ، مووچه‌ی مامۆستایانی كوردستان ده‌ستكاری بكرێته‌وه و پاشه‌كه‌وت نه‌مێنێت.
ئه‌حمه‌د گه‌رمیانی، سه‌رۆكی یه‌كێتی مامۆستایانی كوردستان، به كه‌ی دی پی ئینفۆ- ی راگه‌یاندووه : به‌پێی ئه‌و به‌ڵێنه‌ی به ئێمه دراوه، بڕیاره له كابینه‌ی نوێی حكوومه‌ت و دوای سه‌ری ساڵ، مووچه‌ی مامۆستایانی كوردستان ده‌ستكاری بكرێته‌وه و پاشه‌كه‌وت نه‌مێنێت، كه ئه‌وه‌ش بۆ ئێمه و سه‌رجه‌م مامۆستایان مایه‌ی دڵخۆشییه و هه‌نگاوێكی گرینگه، چونكه حكوومه‌ت له تێپه‌ڕاندنی قه‌یرانی دارایی تا ڕاده‌یه‌ك سه‌ركه‌وتوو بووه و له ڕووی ماددییه‌وه حكوومه‌ت به به‌راود له‌گه‌ڵ چه‌ند ساڵ پێش ئێستا، دۆخی به‌ره‌و باشتربوون ڕۆییشتووه.
ئه‌وه‌شی خسته ڕوو، یه‌كێك له به‌ڵێنی حزبه‌كان باشتركردنی ژیانی مامۆستایان بووه، بۆیه ئه‌گه‌ر به‌رنامه‌ی حزبه‌كانیش بچێته واری جێبه‌جێكردنه‌وه، كارێكی زۆر باش ده‌بێت، به تایبه‌ت له كارنامه‌ی حزبه سه‌ركه‌وتووه‌كاندا كه باس له باشتركردنی گوزه‌رانی مامۆستایان كراوه.
کۆمێنت (0)
تا ئێستا هیچ کۆمێنتێک نەکراوە.