ئه‌مڕۆ چوارشه‌ممه 24-10-2018 ئه‌نجوومه‌نی نوێنه‌رانی عێراق كۆده‌بێته‌وه و ده‌نگ له‌سه‌ر كابینه‌ی نوێی عادل عه‌بدولمه‌هدی ده‌دات.
نووسینگه‌ی راگه‌یاندنی ئه‌نجوومه‌نی نوێنه‌رانی عێراق رایگه‌یاند: بڕیاره كاتژمێر هه‌شتی ئێواره‌ی ئه‌مڕۆ چوارشه‌مه په‌رله‌مانی عێراق بۆ ده‌نگدان له‌سه‌ر كابینه‌ی نوێی عادل عه‌بدولمه‌هدی سه‌رۆكوه‌زیرانی راسپێردراو كۆببێته‌وه.
چاوه‌ڕوان ده‌كرێت كه له دانیشتنه‌كه‌ی ئه‌مڕۆدا ده‌نگدان بكرێت له‌سه‌ر به‌شێك له ئه‌ندامانی كابینه‌ی نوێی حكوومه‌تی عادل عه‌بدولمه‌هدی راسپێردراوی كابینه‌ی نوێی حكوومه‌تی عێراق.
دیاره رۆژی 2-11-2018، دوایین واده‌یه بۆ پێشكه‌شكردنی ناوی ئه‌ندامانی كابینه‌ی نوێی حكوومه‌تی عێراق به ئه‌نجوومه‌نی نوێنه‌ران بۆ ئه‌وه‌ی له‌لایه‌ن په‌رله‌مانتارانه‌وه متمانه‌ی پێ بدرێت.
کۆمێنت (0)
تا ئێستا هیچ کۆمێنتێک نەکراوە.