هه‌ندێكجار به‌هۆی ساردی كه‌شوهه‌واوه، پاتری ئۆتۆمبێل له‌كار ده‌كه‌وێت‌و ئۆتۆمبێلیش هه‌ڵ نابێت، بۆیه باشتروایه ڕێگه‌یه‌كی ئاسان بۆ دووباره پێكردنه‌وه‌ی، بزانیت.
ماڵپه‌ڕی (لاورین فیكس) ڕێگایه‌كی ئاسانی بۆ ئه‌و كه‌سانه خستووه‌ته ڕوو، كه له وه‌رزی زستاندا ڕووبه‌ڕووی كێشه‌ی تێكچوونی پاتریی ئۆتۆمبێله‌كانیان ده‌بنه‌وه، بۆ ئه‌مه‌ش ته‌نیا پێویسته گیراوه‌یه‌ك له سۆده‌ی نان و ئاو دروست بكه‌یت.
ئه‌گه‌ر له‌وه‌رزی زستاندا، به‌هۆی ساردیی كه‌شوهه‌واوه، ئۆتۆمبێله‌كه‌ت هه‌ڵ نه‌بوو، سه‌ره‌تا كه‌وچكێكی ئاسایی سۆده‌ی نان، بخه‌ره نێو په‌رداخێك ئاو و تێكه‌ڵیان بكه، پاشان فڵچه‌یه‌كی ددان بخه‌ره نێو گیراوه‌كه و به فڵچه‌كه، سه‌ره‌كانی پاتری ئۆتۆمبێله‌كه‌ت، پاك بكه‌ره‌وه.
به‌ئه‌نجامدانی ئه‌م ڕێگایه، ئه‌گه‌ر به‌هۆی سه‌رماوه پاتری ئۆتۆمبێله‌كه‌ت له‌كار كه‌وتبوو، دووباره كار ده‌كاته‌وه و ئۆتۆمبێله‌كه‌ت هه‌ڵ ده‌بێت، به‌مه‌ش پێویستت به‌چه‌تاڵكردنی پاتری ئۆتۆمبێله‌كه‌ت نابێت.
سه‌رچاوه - Traffic Fm Sulaimaniyah
شوان عه‌زیز
کۆمێنت (0)
تا ئێستا هیچ کۆمێنتێک نەکراوە.