له‌ماوه‌ی ساڵێكدا دوای رووداوه‌كانی 16ی ئوكتۆبه‌ر، پڕۆسەی تەعریب به‌شێوه‌یه‌ك چڕكرایه‌وه کە ڕێژەی عەرەب 5تا10%ی له ناوچه كوردستانییه‌كانی ده‌روه‌ی ئیداره‌ی هه‌رێم زیادی کردووە، بە گوێره‌ی مادده‌ی 140 له دەستووری عێراقیش پێویسته دیمۆگرافیای كه‌ركووك له‌ڕێگه‌ی راپرسی و سه‌رژمێرییه‌وه یەکلایی بکرێتەوە. ئێستاش مه‌ترسی ئه‌وه هه‌یه ئەگەر بەم شێوەیە پرۆسه‌ی تەعریب بەردەوام بێت ئەوا گۆڕانی گه‌وره له دیمۆگرافیای ئه‌و ناوچانه روو ده‌دات و ڕێژەی عەرەب به‌شێوه‌یه‌ك زیاد بێت كه له ئاینده‌دا کورد نەتوانێت زۆرینەی ره‌سه‌ن پێكبهێنێت.
كاسبكارانی كوردیش له شاری كه‌ركووك دووپات ده‌كه‌نه‌وه، هیچ شوێنێكی زیاده‌ڕۆش له‌و شاره نه‌ماوه كه عه‌ره‌ب و توركمانه شیعه‌كان نه‌یكه‌ن به‌خانوو، له‌كاتێكدا كورد ناتوانێت دوو بلۆكیش له‌سه‌ر یه‌ك دانێت و زۆرترین پێداویستی دروستکرنی خانوی بۆ عەرەب و تورکمانی شیعە بردووە.
هه‌روه‌ها هاووڵاتیانی كه‌ركووك ئاماژه به‌وه‌ش ده‌ده‌ن، هه‌موو زه‌وییه‌كانی كه‌ركووك به زیاده‌ڕۆییه‌كانیشه‌وه دابه‌شكراون و له‌لایه‌ن عه‌ره‌ب و توركمانه شیعه‌كانه‌وه كڕین و فرۆشتیان پێ ده‌كرێت.
دوای رووداوه‌كانی 16ی ئوكتۆبه‌ر پرۆسه‌ی ته‌عریب گه‌وره‌ترین مۆته‌كه‌یه كه له كه‌ركووك به‌رۆكی كوردی گرتووه.
کۆمێنت (0)
تا ئێستا هیچ کۆمێنتێک نەکراوە.