سه‌رچاوه خه‌لیجییه‌كان ئه‌مرِۆ چوارشه‌ممه ئاشكرایان كردووه كه محه‌مه‌د بن سه‌لمان، شازاده‌ی جێنشینی سعودیه به‌هاوكاری هه‌ر یه‌ك له ئیمارات و ئه‌مریكا وڵاتی كوه‌یت داگیرده‌كات.
سه‌رچاوه‌كان ده‌شڵێن: ئێواره‌ی دوێنی محه‌مه‌د بن سه‌لمان له په‌یوه‌ندییه‌كی ته‌له‌فۆنیدا له‌گه‌ڵ شازاده‌ی جێنشینی ئیمارات گفتوگۆی له باره‌ی چۆنییه‌تی كۆنترۆڵ كردن و داگیركردنی ناوچه نه‌وتییه‌كانی كوه‌یت كردووه، هاوكات شازاده‌ی جێنشینی سعودیه له په‌یوه‌ندییه‌كی ته‌له‌فۆنیدا هه‌ڕه‌شه‌ی له میری كوه‌یت كردووه‌و پێی راگه‌یاندووه كه به‌م نزیكانه كوه‌یت داگیر ده‌كات.
هه‌روه‌ها محه‌مه‌د بن سه‌لمان نامه‌یه‌كی ئاراسته‌ی میری كوه‌یت كردووه‌و پێی راگه‌یاندووه، ئه‌گه‌ر پێویست بكات دوورگه‌ی عه‌ره‌بی به شمشێر یه‌ك ده‌خه‌ینه‌وه‌و گرنگ نییه چه‌ند كه‌س ده‌كوژرێت.
هه‌روه‌ها سه‌رچاوه‌كان ده‌ڵێن: به‌فه‌رمانی محه‌مه‌د بن سه‌لمان و به پاڵپشتی ئیمارات و ئه‌مریكا، سعودیه ده‌ست ده‌كات به دروستكردنی هێلێكی بۆری نه‌وتی له رێگای كه‌ناڵی میهره‌ی ده‌ریای بۆ دزینی نه‌وتی یه‌مه‌ن.
ئاماده‌كردنی / رزگار
سه‌رچاوه / الاتجاه press
کۆمێنت (0)
تا ئێستا هیچ کۆمێنتێک نەکراوە.