له روونكردنه‌وه‌یه‌كدا راگه‌یاندنی مه‌كته‌بی سیاسی یه‌كێتی نیشتمانی كوردستان ده‌نگۆی رێگریگردن له كۆسره‌ت ره‌سوڵ عه‌لی بۆ شاری هه‌ولێر ره‌تده‌كاته‌وه.
ئه‌مه‌ش ده‌قی روونكردنه‌وه‌كه‌یه ..
له دوێنیه‌وه، له كۆمه‌ڵێك ماڵپه‌رو په‌یچی سوشیالمیدیای ئاراسته‌كراو، كه پیشه‌یان شێواندنی ڕاستیه‌كان‌و چه‌واشه‌كردنی خه‌ڵكه، هه‌واڵێكی بێ بنه‌ما و هه‌ڵبه‌ستراو بڵاو ده‌كه‌نه‌وه، كه گوایه دوێنێ هه‌ڤاڵ كۆسره‌ت ره‌سوڵ عه‌لی جێگری سكرتێری گشتی یه‌كێتیی نیشتمانیی كوردستان رێگای پێنه‌دراوه بچێته شاری هه‌ولێر.
سه‌رله‌به‌ری ئه‌م هه‌واڵانه هیچ بنه‌مایه‌كی ڕاستیان نیيه‌‌و دروستكراون‌و به مه‌رامی تێكدانی ئارامی كوردستان‌و دڵه‌راوكێی لای كۆمه‌ڵانی خه‌ڵكی كوردستان بڵاوده‌كرێنه‌وه‌و دڵنیاین خه‌ڵكی كوردستان بڕوا به‌و جۆره پروپاگه‌ندانه ناكه‌ن، كه سه‌رچاوه‌كانی بڵاوكردنه‌وه‌یان هیچ متمانه‌یه‌كیان نییه.
راگه‌یاندنی مه‌كته‌بی سیاسی
یه‌كێتیی نیشتمانی كوردستان
9/10/2018
کۆمێنت (0)
تا ئێستا هیچ کۆمێنتێک نەکراوە.