عەلی عەونی ئەندامی ئەنجوومەنی سەركردایەتی پارتی دیموكراتی كوردستان رایدەگەیەنێت “كۆسرەت رەسوڵ لەپێناوی فەوجێكی عەسكەری بۆ خۆیی‌و یەكێكیش بۆ كوڕەكانی لەو فەوجانەی سەرۆك كۆمار لەگەڵ بەرهەم كەوتووە و پرسی سەرۆك كۆماری لە دەستی كوردستانیان خستە دەستی عەرەب”.
عەلی عەونی ئەندامی ئەنجوومەنی سەركردایەتی پارتی دیموكراتی كوردستان لەهەژماری خۆی لەفەیسبووك وتارێكی بەناوی (شورتەی باش، شورتەی خراپ) بڵاوكردۆتەوە و تیایدا ئاماژە بەوە دەكات”دوای مردنی جەلال تاڵەبانی، یەكێتی نیشتمانی لەسیاسەتدا تووشی سەرلێشێوان و بێسەروبەری بووە.
لەناو خۆیاندا بەسیناریۆ رۆڵیان دابەش كردووە. یەكێكیان رۆڵی پۆلیسی باش دەبینێت و ئەوەی دیكەیان رۆڵی پۆلیسی پیس و خراپ دەبینێت”. دەشڵێ ” ئەم جارە بۆ پرسی سەرۆك كۆماری و رادەست كردنی بڕیاری كوردستانی بۆ دەستی شیعە و عەرەبەكان كۆسرەت لەپێناو فەوجێكی عەسكەری بۆ خۆی و یەكێكیش بۆ كوڕەكانی لەو فەوجانەی سەرۆك كۆمار، دەگەڵ بەرهەم كەوتووە و پرسی سەرۆك كۆماری لەدەستی كوردستانیان خستە دەستی عەرەب. دادە هێرۆ دایكی هەژاران دژی ئەم كارەیە و ئیدانەی كۆسرەت و بەرهەم دەكات. تەنانەت عەمیدی ئافرەت شانازخان بەیاننامەشی لەدژی بەرهەم دەركردەوە”. عەونی جەخت لەسەر ئەوە دەكاتەوە “ئەم جارە كۆسرەت پۆلیسە خراپەكە و هێرۆ و ئاهێرۆ پۆلیسی باشن.!!!”. داواش لەپارتی دەكات “كۆتایی بەم گەمە قێزەوەنەی یەكێتی بهێنێت”. دەشڵێ “هەموویان سەروبنی یەك كراسن”.
شوان عه‌زیز
کۆمێنت (0)
تا ئێستا هیچ کۆمێنتێک نەکراوە.