بریارە سبەی شەممە ٦ـی ١٠ـی ٢٠١٨، لە پەرستگایی لالش گەورەترین جەژنی جەما بەڕێوەبچیت و بریارە لەم جەژنە دا ١٥٠ هەزار کەس ئامادە بن.
له‌م باره‌وه لوقمان سلێمان بەرپرسی راگەیاندنی نووسینگەی بنکەی لالش لە پەرستگای لالش رایگه‌یاند" جەژنەکە بۆ ماوەیی ٧ رۆژ دەخایەنێت، بریارە ئێزدییانی سەرتاسەری جیهان بێنە پەرستگایی لالش پشکداری ئەم ڕێوڕسمە ئاینیە بن.
لوقمان سلێمان وتیشى" دوای ٤ ساڵە ئێزدییان هیچ جەژنێکیان نەگێڕاوە بە هۆی هاتنی داعش بۆ ناوچەکانیان و، ئێستاش جەژن بە شێوەی مەراسیمی ئاینی دەگێڕن، لە حەوت رۆژیشدا چەندین مەراسیمی تایبەت هەن لەوانەش سەمای دینی ، كه بە ئامادەبوونی بابە شێخ و چەندین پیاوی ئاینی ئێزدییان به‌رێوه‌ده‌چێت.
پەرستگای لالش گەورەترین و پیرۆزترین پەرستگای ئێزدییانە لەسەر ئاستی جیهان، دەکەوێتە باکووری قەزای شێخانی سەر بە پارێزگای دهۆک لە نێوان ٣ـێ چیا دایە و سروشتێکی جوانی هه‌یه.
کۆمێنت (0)
تا ئێستا هیچ کۆمێنتێک نەکراوە.