نیاز وایه ئه‌مرۆ گێرهارد شروده‌ر راوێژكاری پێشووی ئه‌ڵمانیا بۆ جاری پێنجه‌م به ئاماده‌بوونی 150 كه‌س، ئاهه‌نگی هاوسه‌رگیرییه‌كان له به‌رلینی پایته‌ختی ئه‌ڵمانیا ساز بكات .
شروده‌ر ئه‌وه بۆ جاری پێنجه‌مه ژن ده‌هێنێت ئه‌م جاره له ته‌مه‌نی 73 ساڵی ژیانی هاوسه‌رگیری له‌گه‌ڵ ئافره‌تێكی كۆری پێكده‌هێنێت كه پیشه‌ی بازرگانیه و ته‌مه‌نیشی 48 ساڵه.
شایانی باسه پێشتر شروده‌ر چوار جاری دیكه ژیانی هاوسه‌رگیری پێكهێناوه، به‌ڵام له سه‌ره‌تای ئه‌مساڵ په‌یوه‌ندی خۆشه‌ویستی له‌گه‌ڵ كیم سۆ یۆندای كۆری دروستكرد.
شروده‌ر جگه له خزم و كه‌سكانی چه‌ند هاورێی له سیاسیه‌كانیشی بۆ ئاهه‌نگه‌كه‌ی بانگێشت كردوون وه‌كو سه‌رۆكی ئێستای ئه‌ڵمانیا، فرانك ڤالته‌ر شتاینمایه‌ر، و مه‌ولود چاوشئۆغلۆ، وه‌زیری ده‌ره‌وه‌ی توركیا له‌گه‌ڵ چه‌ند سیاسه‌تمه‌دارێكی ناوخۆ و ده‌ركی، هه‌ندێك له كه‌سایتیه‌كان داوای لێبووردنیان له شروده‌ر كردوه كه ناتوانن ئاماده‌ی ئاهه‌نگه‌كه ببن..
سه‌رچاوه/DW
كوردستان تیڤی/ كامران
کۆمێنت (0)
تا ئێستا هیچ کۆمێنتێک نەکراوە.