کۆمیسیۆن ئەنجامی بەرایی هەڵبژاردنى په‌رله‌مانى کوردستان راگەیاند

کۆمیسیۆنی باڵای سەربەخۆی هەڵبژاردن و راپرسی هەرێمی کوردستان كه‌مێك له‌مه‌وبه‌ر، 85%ى ئەنجامی بەرایی هەڵبژاردنی پەرلەمانی کوردستان راگەیاند.

شیروان زرار، وتەبێژی كۆمسیۆن لە كۆنگرەیەكی رۆژنامەوانیدا ئەنجامی بەرایی هەڵبژاردنی بڵاوكردەوەو رایگەیاند، یەكێتی نیشتیمانی كوردستان 287575 هەزار دەنگی بەدەستهێناوەو پارتی دیموكراتی كوردستان 595592 هەزار دەنگی بەدەستهێناوە.

ئاماژەی بەوەشكرد، كۆمەڵی ئیسلامی 94992 هەزار دەنگی بەدەستهێناوە، و نەوەی نوێی 113297 هەزار دەنگی بەدەستهێناوە.

بزووتنەوەی گۆڕان 164336 هەزار دەنگی بەدەستهێناوە، و بەرەو ئیسلاح 69477 هەزار دەنگی بەدەستهێناوە و هاوپەیمانی سەردەم 13708 هەزار دەنگی بەدەستهێناوە. پارتى پارێزگاران 3028 بەدەستهێناوە.