سه‌رۆك وه‌زیرانی راسپێردراو بۆ پێكهێنانی حكومه‌تی نوێ ده‌بێته یه‌كه‌م سه‌رۆك وه‌زیران له‌ده‌ره‌وه‌ی ناوچه‌ی سه‌وز بژیت .
سه‌رچاوه‌یه‌ك ئه‌مرۆ پێنج شه‌مه ئاشكرای كرد به‌بێ ئه‌وه‌ی ناوی ئاشكرا بكرێت، به پێگه‌ی( روسیا الیوم)ی راگه‌یاند : (عادل عه‌بدولمه‌هدی ) ناوچه‌ی سه‌وز جێده‌هێڵێت و له‌ناوچه‌ی كه‌راده له به‌غدادی پایته‌خت ژیان به‌سه‌ر ده‌بات یاخود له هه‌ر ناوچه‌یه‌كی تر دوور له‌ناوچه‌ی سه‌وز .
سه‌رچاوه‌كه ئه‌وه‌شی ئاشكرا كردووه مه‌هدی ده‌یه‌وێت نزیك بێته‌وه له‌شه‌قامی عێراقی و هانی سیاسیه‌كان بدات بۆ ئه‌وه‌ی له‌گه‌ڵ خه‌ڵكی ئاسایی بژین .
سه‌رچاوه‌كه زیاتری ئاشكرای كردوه مه‌هدی ده‌بێته یه‌كه‌م سه‌رۆك وه‌زیرانی عێراق دوای ساڵی (2003) له ده‌ره‌وه‌ی ناوچه‌ی سه‌وز ژیان به‌سه‌ر ببات .
جێگه‌ی ئاماژه‌یه ناوچه‌ی سه‌وز ده‌كه‌وێته ناوه‌ڕاستی به‌غدا و ناوچه‌یه‌كی نێو ده‌وڵه‌تیه و چه‌ندین باره‌گای حكومی و دیبلۆماسی لێیه، له‌سه‌روی هه‌مویان باڵوێزخانه‌ی ئه‌مه‌ریكا، له‌گه‌ڵ هه‌ردوو باره‌گای رێكخراوی نه‌ته‌وه یه‌كگرتووه‌كان و یه‌كێتی ئه‌وروپا .
کۆمێنت (0)
تا ئێستا هیچ کۆمێنتێک نەکراوە.