ئه‌حمه‌د كانى به‌رپرسى لقى دووی پارتى دیموكراتى كوردستان له‌هه‌ولێر له‌په‌یامێكدا پیرۆزبایی له‌ده‌نگده‌رانى پارتى ده‌كات و ڕایده‌گه‌ێنێت ، بەبۆنەی سەركەوتنی لیستی 183 ی پارتی دیموكراتی كوردستان لە هەڵبژاردنی 30 ی ئەیلوول وێڕای ئاڕاستەكردنی سوپاسی بۆ جەماوەری شاری هەولێر،ئاشكرای دەكا كە پارتی لەسنووری لقی دووی سەنتەری شاری هەولێر 114137 دەنگی بەدەستهێناوە و ئەمەش دەقی پەیامەكەیە.
سوپاس بۆ ئەوانەی ئەو سەركەوتنە مێژووییەیان لە سنووری لقی دوو تۆمار كرد و وایان كرد ڕێژەی دەنگی پارتی دیموكراتی كوردستان لە سەنتەری شاری هەولێر سەدا پەنجا 50% تێپەڕێنێت.
ده‌قى پیرۆزباییه‌كه‌ى ئه‌حمه‌د كانى به‌رپرسى لقى دووى پارتى دیموكراتى كوردستان
ئەحمەد كانی: پارتی 114137 سەد و چواردە هەزار و سەد و سی و حەوت دەنگی لەسەنتەری شاری هەولێر لە هەڵبژاردنی پەرلەمانی كوردستان بەدەستهێناوە
بەبۆنەی سەركەوتنی لیستی 183 ی پارتی دیموكراتی كوردستان لە هەڵبژاردنی 30 ی ئەیلوول،بەرپرسی لقی دووی پارتی دیموكراتی كوردستان لە پەیامێكدا وێڕای ئاڕاستەكردنی سوپاسی بۆ جەماوەری شاری هەولێر،ئاشكرای دەكا كە پارتی لەسنووری لقی دووی سەنتەری شاری هەولێر 114137 دەنگی بەدەستهێناوە و ئەمەش دەقی پەیامەكەیە.
سوپاس بۆ ئەوانەی ئەو سەركەوتنە مێژووییەیان لە سنووری لقی دوو تۆمار كرد و وایان كرد ڕێژەی دەنگی پارتی دیموكراتی كوردستان لە سەنتەری شاری هەولێر سەدا پەنجا 50% تێپەڕێنێت.
جارێكی دیكە هەولێر و هەولێریەكان بۆ سەرۆك بارزانی سەلماندیانەوە كە هەولێر هەر هەولێرە.
ئەو هەولێرەی قەڵاكەی دوژمن بەزێنە و ناحەز هەژێنە،ئەو هەولێرەی ماڵی پارتیە دڵسۆزەكانی ڕێبازی پیرۆزی بارزانی نەمرە.
ئەو شارەی هەمیشە لە پێشەنگی تۆماركردنی سەركەوتنە گەورەكانە بۆ پارتی دیموكراتی كوردستان وەك چۆن پێشەنگە لە بەرگری و قوربانیدان بۆ خاكی پیرۆزی كوردستان،ئەمجارەش لە 30 ی ئەیلوول سەركەوتنێكی مێژووییان بۆ پارتی دیموكراتی كوردستان تۆمار كرد.
جگەلە هەژماركردنی دەنگی تایبەت كە زیاتر لە 12000 دوانزە هەزار دەنگ لە سنووری لقەكەمان بۆ لیستی 183 بەدەستهاتووە، پارتی 114137 سەد و چواردە هەزار و سەد و سی و حەوت دەنگی لەسەنتەری شاری هەولێر بۆ هەڵبژاردنی پەرلەمانی كوردستان لە 30 ی ئەیلوولی 2018 بەدەستهێناوە ئەمەش ژمارەیەكە جێی ئیفتیخاری هەموو پارتیەكی دڵسۆز و وەفادارە.
وە ڕێژەی دەنگی پارتی لە سنووری لقی دوو بە بەراوورد لەگەڵ هەڵبژاردنەكانی ڕابردوو 8% تا 10% بەرزبۆتەوە و ژمارەی دەنگی پارتی 12000 دوانزە هەزار دەنگ زیادی كردووە.
سەربەرز و شكۆدارین بە ناوی خۆم و هەڤاڵانی كارگێڕ لە لقی دوو لە ناخی دڵمانەوە زۆر بە گەرمی سوپاسی جەماوەری شاری هەولێری تێكۆشەر و جەماوەری دڵسۆزی پارتی بكەم كە بەشداریان لە پرۆسەی هەڵبژاردن كرد،بەتایبەت ئەوانەی دەنگیان بە پارتی دیموكراتی كوردستان و لیستی 183 ی پارتی دا،ئەو جەماوەرە بە وەفایە كارەكتەری گرنگی سەركەوتنی ئەو پرۆسە دیموكراتیەو پاراستنی ئەمن و ئارامی شار بوون.
پارتیە دڵسۆزەكانی هەولێر،ئەوانەی بە گیان و خوێنی خۆتان لە پردێ و مەخموور دڵسۆزی و وەفاداریتان بۆ ڕێبازی پیرۆزی بارزانی و خاكی كوردستان دووپات كردەوە ،ئەوانەی لە 25 ی ئەیلوول بە ئاپۆڕای پڕ لە جۆش و خرۆشی كوردایەتی و نیشتیمانپەروەریتان، بە بەڵێتان بۆ سەربەخۆیی و ئازادی عەرشی داگیركەرانی كوردستانتان لەرزاند ،بەقەد فراوانی خاكی پیرۆزی كوردستان سوپاس بۆ هەمووتان.
سوپاس بۆ خانەوادەی سەربەرزی شەهیدان و پێشمەرگە قارەمانەكان،سوپاس بۆ كارمەندانی پاراستنی ئاسایش و ئارامی شاری هەولێر لە برایانی ئاسایش و پۆلیس و پۆلیسی هاتوچۆ و هەموو ئەوانەی ئەركە نیشتیمانیەكانی خۆیان لە ڕۆژی 30 ی ئەیلوول بە ڕێكوپێكی جێبەجێ كرد.
زۆر بە گەرمی سوپاسی هەڤاڵ و برا و ئازیزانمان لە بەرپرسانی ناوچەو نووسینگە و هەڤاڵان كارگێڕان و ئەندامانی لێژنە ناوچەو نووسینگەكان و هەڤاڵان بەرپرسی ڕێكخراوەكان و كارگێڕان و ئەندامانی ڕێكخراوەكان دەكەین.
زۆر بە گەرمی و سەرفرازیەوە سوپاسی بەرپرسی بنكەكانمان دەكەین كە ئەوان بوون شەویان خستە سەر ڕۆژ و ئەو سەركەوتنە گەورەیان تۆماركرد.
سوپاس بۆ تەواوی هەڤاڵان لە هەموو ئاست و پلە حزبیەكان بۆ تۆماركردنی ئەو سەركەوتنە مەزنە بێ وێنەیە.
سەركەوتنی پارتی دیموكراتی كوردستان،سەركەوتنی خەڵكی كوردستانە بە تەواوی پێكهاتەو نەتەوەو ئایینە جیاوازەكان،ئەو پارتەی داكۆكیكار و وەدەستهێنەری مافی ڕەوای گەلی كوردستان بووە لە مێژووی دوور و ئێستادا،جارێكی دیكە ئەو سەركەوتنە گەورەیەی پارتی پیرۆزە لە هەمووان،چاوەڕوانی دروستكردنی ئەو كوردستانە بەهێزەبن كە وەك دروشمێك بۆ گەلی كوردستان بەرزمان كردبۆوە.
شوان عه‌زیز
کۆمێنت (0)
تا ئێستا هیچ کۆمێنتێک نەکراوە.