ئه‌مڕۆ یه‌كشه‌ممه هێمن هه‌ورامی سه‌رۆكی لیستی پارتی دیموكراتی كوردستان بۆ په‌رله‌مانی كوردستان به‌شداری له پرۆسه‌ی ده‌نگدانی گشتیدا كرد، دواتر له لێدوانێكی رۆژنامه‌وانی رایگه‌یاند: ئه‌مڕۆ رۆژێكی مێژووییه و هه‌ڵبژاردنی به كۆڵه‌كه‌ی دیموكراسی ناوبرد.
هه‌روه‌ها داوای كرد كه خه‌ڵكی هه‌رێمی كوردستان، بۆ رێگرتن له هه‌ر جۆره ساخته‌كارییه‌ك و فه‌رزكردنی ئیراده‌ی خۆیان، بچنه سه‌ر سندووقه‌كانی ده‌نگدان و به‌شداری پرۆسه‌ی ده‌نگدان بكه‌ن.
داواشی كرد كه سه‌رجه‌م لایه‌نه‌كان پابه‌ندی ئه‌و رێنماییانه بن كه كۆمسیۆنی هه‌ڵبژاردن ده‌ریكردوون و جه‌ختیشی كرده‌وه كه دۆڕاو و براوه هه‌ر بۆ خزمه‌تی ئه‌م گه‌له‌یه و وه‌كوو پارتی پابه‌ندی سه‌دا سه‌دی رێنماییه‌كانی كۆمسیۆن ده‌بین.
کۆمێنت (0)
تا ئێستا هیچ کۆمێنتێک نەکراوە.