نووسینگه‌ی مافی مرۆڤی سۆران، به هاوكاری ده‌زگای خێرخوازی بارزانی، كۆمه‌ڵێك كه‌لوپه‌ل و پێداویستی بۆ راگیراوانی به‌ڕێوه‌به‌رایه‌تی گرتن و گواستنه‌وه‌ی پۆلیسی سۆران ده‌بین كرد.
جه‌واد سوار، به‌ڕێوه‌به‌ری نووسینگه‌ی مافی مرڤی سۆران، به زاری كرمانجی راگه‌یاند: " له مه‌ڕاسیمێكدا نووسینگه‌ی مافی مرۆڤی سۆران، به هاوكاری و هه‌ماهه‌نگی ده‌زگای خێرخوازی بارزانی، به ئاماده‌بوونی قائیمقامی سۆران و كۆمه‌ڵێك له به‌ڕێوه‌به‌ری یه‌كه ئیداریه‌كانی شاری سۆران، هه‌ڵساین به دابینكردنی كۆمه‌ڵێك كه‌لوپه‌ل و پێداویستی كه پێكهاتبوو له ( دۆشه‌ك و به‌تانی و بالیف و موكێت ) بۆ به‌ڕێوه‌به‌رایه‌تی گرتن و گواستنه‌وه‌ی پۆلیسی سۆران".
به‌ڕێوه‌به‌ری نووسینگه‌ی مافی مرڤی سۆران، گووتیشی "دابینكردنی ئه‌و كه‌ل و په‌ل و پێداویستیانه زۆر گرینگ بوو، بۆ ئه‌و راگیراو به‌ندكراوانه‌ی به‌ڕێوه‌به‌رایه‌تی گرتن و گواستنه‌وه‌ی پۆلیسی سۆران، ده‌ستخۆشی له‌سه‌رجه‌م هاوكارانمان ده‌كه‌ین، به‌تایبه‌تیش سه‌رۆك و كارمه‌ندانی ده‌زگایی خێرخوازی بارزانی.
كوردستان تیڤی/ كامران
کۆمێنت (0)
تا ئێستا هیچ کۆمێنتێک نەکراوە.