كۆمسیۆنی باڵای سەربەخۆی هەڵبژاردن و ڕاپرسی هەرێمی كوردستان ئاماری بنكە و وێستگەكانی دەنگدان و ژمارەی دەنگدەرانی تایبەت و گشتی بڵاو كردەوە.
له ڕاگه‌یه‌ندراوێكی كۆمسیۆنى باڵاى سه‌ربه‌خۆى هه‌ڵبژاردن و ڕاپرسى كه به‌شێوه‌ى خشته بڵاوى كردوه‌ته‌وه و وێنه‌یه‌كى ده‌ست ماڵپه‌ری كوردستان تیڤی كه‌وتووه، بۆ ڕۆژى ده‌نگدانى تایبه‌ت كه ڕۆژى 28 / 9 / 2018 به‌ڕێوه ده‌چێت ، 170 هه‌زار و 469 كه‌س مافى ده‌نگدانى له هه‌ر چوار پارێزگاكه‌ى هه‌رێمى كوردستان هه‌یه.
بۆ ئه‌و مه‌به‌سته‌ش، 99 بنكه‌ى ده‌نگدان دانراون، كه له 471 وێستگه پێكهاتوون و ده‌نگده‌رانى تایبه‌ت ده‌توانن ده‌نگیان تێدا بده‌ن.
به‌پێى ڕاگه‌یه‌ندراوه‌كه، له ده‌نگدانى گشتیشدا دوو ملیۆن و 914 هه‌زار و 992 كه‌س له هه‌ر چوار پارێزگاكه‌ى هه‌رێمى كوردستان مافى ده‌نگدانى هه‌یه و له هه‌زار و 260 بنكه‌ى ده‌نگدان كه له پێنج هه‌زار و 941 وێستكه پێكهاتووه، ده‌نگ ده‌ده‌ن.
به‌پێی خشته‌كه‌ش، كۆى گشتى ژماره‌ى ده‌نگده‌رانى هه‌رێمی كوردستان، بریتییه له سێ ملیۆن و 85 هه‌زار و 461 ده‌نگده‌ر.
بڕیارە ڕۆژی 30ی ئەیلوولی داهاتوو دەنگدانی گشتیی بۆ پەرلەمانی كوردستان بەرێوە بچێت.
کۆمێنت (0)
تا ئێستا هیچ کۆمێنتێک نەکراوە.