ئه‌مڕۆ دووشه‌ممه 17 ى ئه‌یلولی 2018 هێمن هه‌ورامی سه‌رۆكى لیستى پارتی دیموكراتى كوردستان بۆ هه‌ڵبژاردنى په‌رله‌مانى كوردستان له ناوچه‌ی قه‌ره‌داغ سنوری پارێزگای سلێمانى ڕایگه‌یاند ، پارتی له ساڵی 2004 دا پارتی به فه‌رمانی بارزانی ئاڵای به‌عسی داگرت و ئاڵای كوردستانی هه‌ڵكرد.
ڕاشیگه‌یاند هه‌رێمی كوردستان به‌وه ده‌پارێزرێت ده‌ستوورێكی هاوچه‌رخی هه‌بێت، یه‌كێتی خاكی هه‌رێم بپارێزێت، بۆ ئه‌وه‌ی پرۆسه‌ی دیموكراسی له كوردستان وه‌ك خۆی به‌ڕێوه‌بچێت، نه‌ك له‌به‌ر باڵباڵێن و ماڵ ماڵێنی ئه‌م حزب و ئه‌و حزب له‌به‌ر ئه‌وه‌ی له هه‌ڵبژاردن ده‌ترسن داوای دواخستنی هه‌ڵبژاردن و ئه‌نجام نه‌دانی بكه‌ن.
له‌به‌شێكى دیكه‌ى وته‌كانى هه‌ورامی ناوبراو ڕایگه‌یاند ئێمه وه‌ك خه‌ڵكی تر نین به‌ڵێنی ناوه‌رۆك به‌تاڵ بده‌ین، پارتی حزبی به‌رپرسیارێتییه و به‌ڵێنێك نادا جێبه‌جێی نه‌كات.
هێمن هه‌ورامی ڕاشیگه‌یاند هه‌رچی ده‌ستكه‌وت له كوردستان هه‌یه پارتی به ده‌ستی هێناوه، هه‌ر له دامه‌زراندنی شۆڕشی ئه‌یلول و گوڵان و به‌رنامه‌ی راپه‌ڕین و چه‌سپاندنی فیدراڵیه‌ت و ره‌تكردنه‌وه‌ی فیدرالیه‌تی پارێزگاكان، ئه‌مانه هه‌مووی پارتی پشكی شێری هه‌بوه تیایاندا.
شوان عه‌زیز
کۆمێنت (0)
تا ئێستا هیچ کۆمێنتێک نەکراوە.