به‌غدا سه‌باره‌ت به‌ پشووی رۆژی شه‌ممه‌ی قوتابخانه‌کان بڕیارێکی ده‌رکرد

ئه‌مڕۆ یه‌ك شه‌ممه‌ 16-9- 2018 ئه‌نجومه‌نی پارێزگای به‌غدا ده‌نگیان به‌ هه‌ڵوه‌شاندنه‌وه‌ی پشووی رۆژی شه‌ممه‌ی سه‌رجه‌م قوتابخانه‌ی شاری به‌غدا دا .

له‌مباره‌یه‌وه‌ محه‌مه‌د روبه‌یعی، ئه‌ندامی ئه‌نجومه‌نی پارێزگا(به‌غدای پایته‌خت) به‌ میدیا عێراقییه‌كانی راگه‌یاندووه‌: بڕیاری هه‌ڵوه‌شاندنه‌وه‌ی پشووی رۆژی شه‌مووانی قوتابخانه‌كان له‌به‌رژه‌وه‌ندی پڕۆسه‌ی په‌روه‌رده‌یه‌.

پێشتر وه‌زاره‌تی په‌روه‌رده‌ی حكوومه‌تی هه‌رێمی كوردستان بۆخوێندنی 2018 - 2019، بڕیاریدا له‌مساڵی نوێی خوێندندا پشووی شه‌ممان نییه‌ و له‌ڕۆژی شه‌ممه‌ تا پێنجشه‌ممه‌ ده‌وامی فه‌رمی ده‌بێت.

ئاماده‌كردنی / رزگار