شه‌قامێكی گه‌وره‌ی دیكه به ده‌وری شاری هه‌ولێری پایته‌ختی هه‌رێمی كوردستاندا دروست ده‌كرێت و قه‌ره‌باڵغیی شه‌قامه‌كانی شاره‌كه كه‌م ده‌كاته‌وه.
بڕیاره تا سه‌ری ساڵ شه‌قامی 120 هه‌ولێر ته‌واو ببێت و دواتریش ده‌ست به دروستكردنی رێگای خێرای (150m) مه‌تری شاری هه‌ولێر بكرێت، كه گرنگترین پڕۆژه‌ی ستراتیژییه له هه‌رێمی كوردستان كه له به‌رده‌م ( گه‌نجان ستی ) دا ده‌ڕوات.
له قۆناغی یه‌كه‌می پرۆژه‌ی شه‌قامی 150 مه‌تری، جووتسایدی شه‌قامه‌كه له‌سه‌ر رێگای به‌حركه تا رێگای شه‌قڵاوه دروست ده‌كرێت و دواتریش قۆناغ به قۆناغ، شه‌قامه‌كه ته‌واو ده‌كرێت.
له قۆناغی یه‌كه‌مدا پڕۆژه‌ی 150 مه‌تریی ھه‌ولێر له جووتسایدی به‌حركه بۆ ڕێگه‌ی پیرمام ده‌ست پێ ده‌كات، چونكه ئه‌و ناوچه‌یه قه‌ڵه‌باڵغییه‌كی زۆری له‌سه‌ره ، جگه له‌وه‌ی ھه‌ردوو ڕێگه‌ی سه‌ره‌كی به‌حركه و پیرمام پێكه‌وه ده‌به‌ستێته‌وه، ژماره‌یه‌كی زۆر فه‌رمانگه‌ی حكوومه‌ت و شاری نیشته‌جێبوونیش له‌سه‌ره.
له ئێستادا پێنج شه‌قام به‌شێوه‌ی بازنه‌یی به چوارده‌وری هه‌ولێردا ده‌سووڕێنه‌وه، كه بریتین له شه‌قامه‌كانی، 30 مه‌تری، 60 مه‌تری، 40 مه‌تری، 100 مه‌تری و 120 مه‌تری، دوای ته‌واوبوونی شه‌قامی 120 مه‌تریش، ده‌بێته شه‌ش شه‌قامی بازنه‌یی.
ئاماده‌كردنی / رزگار
کۆمێنت (0)
تا ئێستا هیچ کۆمێنتێک نەکراوە.