پێشنیوه‌ڕۆی ئه‌مڕۆ یه‌كشه‌ممه شاندی باڵای پارتی دیموكراتی كوردستان به سه‌رۆكایه‌تی نێچیرڤان بارزانی جێگری سه‌رۆكی پارتی له هه‌ولێر سه‌ردانی باره‌گای هاوپه‌یمانی بۆ دیموكراسی و دادپه‌روه‌ری كرد و له‌گه‌ڵ شاندێكی هاوپه‌یمانی كۆبۆوه.
له كۆبوونه‌وه‌كه‌دا پرسی هه‌ڵبژاردنی په‌رله‌مانی كوردستان و پێكهێنانی حكوومه‌تی نوێی عێراق تاوتوێ كرا.
دوای كۆبوونه‌وه‌كه‌ش هه‌ریه‌ك له نێچیرڤان بارزانی جێگری سه‌رۆكی پارتی دیموكراتی و كوردستان و دكتۆر به‌رهه‌م ئه‌حمه‌د ساڵح سه‌رۆكی هاوپه‌یمانی بۆ دیموكراسی و دادپه‌روه‌ری كۆنگره‌یه‌كی رۆژنامه‌وانییان سازكرد و تیایدا باسیان له پڕۆسه‌ی هه‌ڵبژاردنی په‌رله‌مانی كوردستان و پێكهێنانی كابینه‌ی نوێی حكومه‌تی عێراق كرد و لای خۆشیه‌وه نیچیرڤان بارزانی ڕایگه‌یاند: كه پارتی جه‌خت له ئه‌نجامدانی هه‌ڵبژاردن له واده‌ی خۆیدا ده‌كاته‌وه و بۆ به‌شداری له پڕۆسه‌ی سیاسی عێراقیش یه‌كده‌نگی و یه‌كهه‌ڵوێستی كورد به پێویست ده‌زانێت.
لای خۆشیه‌وه دكتۆر به‌رهه‌م ئه‌حمه‌د ساڵح سه‌رۆكی هاوپه‌یمانی بۆ دیموكراسی و دادپه‌روه‌ری ڕایگه‌یاند: كورد پێویستی به یه‌كهه‌ڵوێستی و یه‌كڕیزییه له به‌غدا.
کۆمێنت (0)
تا ئێستا هیچ کۆمێنتێک نەکراوە.