له‌ڕاگه‌یاندراوێكدا كه‌وێنه‌یه‌ك بۆ ماڵپه‌رى كوردستان تیڤى نێردراوه ، وه‌زاره‌تى دارایی و ئابووری هه‌رێمى كوردستان ڕایده‌گه‌ێنێت: هەوڵی جددی دەدەین له‌پێناو ئه‌وه‌ی باڵەخانەی نوێی نەخۆشخانەی هیوا زوو تەواوبكرێت .
ئەمڕۆ شەممە 1/9/2018، رێباز حەملان، وەزیری دارایی و ئابووری حكومەتی هەرێم لە شاری سلێمانی سەردانی نەخۆشخانەی هیوای كرد و لەگەڵ دكتۆر سەباح هەورامی، بەڕێوەبەری گشتی تەندروستی سلێمانی و دكتۆر دۆستی نەجات، بەڕێوەبەری نەخۆشخانەی هیوا كۆبوەوە.
لە نەخۆشخانەی هیوا وەزیری دارایی و ئابووری تەواوی بەشەكانی چاندنی مۆخ، تاقیگە، پزیشكان و كارمەندانی بەسەر كردەوە، پاشان سەردانی بەشی منداڵانی كرد و چەند پێداویستییەكی بۆ دابینكردن و چەند نەخۆشێكی بەسەر كردەوە.
دواتر كۆبوونەوەیەكی لەگەڵ بەڕێوەبەری گشتی و بەڕێوەبەری نەخۆشخانە و چەند كارمەندێك ئەنجامدا و باس لە دروستكردنی نەخۆشخانەی هیوای گەورە و دانانی چەند گرێبەستێك كرا كە لە دەرەوە راهێنانی تایبەتیان بینوە، هەروەها باس لە پێداویستی دەرمان و دانانی هەندێك تایبەتمەندی بۆ نەخۆشخانەی هیوا، وەزیری دارایی و ئابووری بەڵێندا كە ئەم داواكاریانە بخاتە بەردەم سەرۆك وەزیران بۆ جێەجێكردن و هەندێكی بۆ چارەسەركردن.
پاشان وەزیری دارایی و سەردانی پاررێزگاری سلێمانی كرد و لە كۆبوونەوەیەك لەگەڵ دكتۆر هەڤاڵ ئەبوبەكر، پارێزگار سلێمانی كۆبوەوە و تاكید لە باشتركردنی خزمەتگوزارییەكانی پاكردنەوە و كێشەكانی ئاو و كارەبا و تەندروستی و هەماهەنگی هەردولا خرایە بەر باس.
وەزیری دارایی و ئابووری تاكیدی كردەوە كە دەبێت حكومەتی خۆجێیەكان هەماهەنگی تەواویان لەگەڵ وەزارەتەكان و ئەنجومەنی وەزیران هەبێت و بەتایبەتیش لەبەر تایبەتمەندی سلێمانی و جەخت لە حكومەتداریكرایەوە بێ جیاوازی كردن لە نێوان هاونیشتیمانیان.
شوان عه‌زیز
کۆمێنت (0)
تا ئێستا هیچ کۆمێنتێک نەکراوە.