ژێرده‌ریایی ئه‌مریكی له جۆری لۆس ئه‌نجلۆس كه به ووزه‌ی ئه‌تۆمی كار ده‌كات و هه‌ڵگری رۆكێتی تۆماهۆكه گه‌یشتۆته مینای جه‌به‌ل تارق.
به پێی پێگه‌ی Gibraltar Chronicle ئێواره‌ی پێنج شه‌ممه ژێرده‌ریاییه ئه‌مریكییه‌كه له مینای جه‌بل تارق بینراوه‌و تیمه‌كانی گومرگی ئیسپانی ویستوویانه لێی نزیك ببنه‌وه، به‌ڵام پۆلیسی ده‌ریای جه‌به‌ل تارق رێگه‌یان لێ گرتوون.
له‌مباره‌یه‌وه وه‌زاره‌تی به‌رگری ئه‌مریكا پنتاگۆن رایگه‌یاندووه: بوونی ژێرده‌ریاییه‌كه له مینای جه‌به‌ل تارق تاقیكردنه‌وه‌یه‌كی ته‌كنه‌لۆژییه‌و پێشتر پلانی بۆ داندراوه.
پێشتر ئاژانسه‌كانی هه‌واڵی جیهانی بڵاویان كردبۆوه كه ئه‌گه‌ر حكومه‌تی سوریا به چه‌كی كیمیاوی هێرش بكاته سه‌ر ئیدلب، ئه‌وا ئه‌مریكا و فه‌ره‌نسا و ئیسرائیل هێرش ده‌كه‌نه سه‌ر حكومه‌ته‌كه‌ی به‌شار ئه‌سه‌د .
سه‌رچاوه / سپۆتنیك
ئاماده‌كردنی / رزگار
کۆمێنت (0)
تا ئێستا هیچ کۆمێنتێک نەکراوە.