پۆلیسی گەرمیان رایدەگەیەنێت، لەكاتی مەلەكردندا لە گۆمێكی ناوچەی گەرمیان گەنجێك كە پیشەی پێشمەرگەیە خنكا.
له راگه‌یه‌ندراوێكدا كه وێنه‌یه‌كی ده‌ست ماڵپه‌ری كوردستان تیڤی كه‌وتووه، راگه‌یاندنی پۆلیسی گه‌رمیان رایگه‌یاندووه نیوه‌ڕۆی ئه‌مڕۆ شه‌ممه 25ی ئابی 2018 له‌گۆم به‌حری سه‌ر به ناحییه‌ی مه‌یدان گه‌نجێك له‌كاتی مه‌له‌كردندا خنكا.
له راگه‌یه‌ندراوه‌كه هاتووه" گه‌نجه‌كه پیشه‌ی پێشمه‌رگه‌یه و ناوی (زانا ئیسماعیل محه‌مه‌د) و له‌دایكبووی 1990ه و دانیشتووی شارۆچكه‌ی خانه‌قینه.
ئاماژه‌شی به‌وه‌دا كه دوای گه‌ڕان له‌لایه‌ن تیمی غه‌واسی گه‌رمیانه‌وه ته‌رمی ناوبراو دۆزرایه‌وه.
پۆلیسی گه‌رمیان ده‌ڵێت: ناوبراو له‌گه‌ڵ چه‌ند هاوڕێیه‌كی كه پیشه‌یان پێشمه‌رگه‌یه به‌مه‌به‌ستی مه‌له‌كردن روویان له‌و گۆمه كردووه له‌ئه‌نجامدا ناوبراو خنكاوه.
کۆمێنت (0)
تا ئێستا هیچ کۆمێنتێک نەکراوە.