له‌ڕاگه‌یاندراوێكدا كه‌وێنه‌یه‌كى ده‌ست ماڵپه‌رى كوردستان تیڤى كه‌وتووه ، په‌رله‌مانى كوردستان ڕایده‌گه‌ێنێت ، لە وەڵامدانەوەی نووسراومان ژمارە 246 لە 22/1/2018، سەرۆكایەتی دیوانی ئەنجومەنی وەزیران بە هاوپێچی نووسراوێك بە ژمارە 3472 لە 19/7/2018 ، بەیاننامەی دارایی ساڵی 2016 و 2017 رەوانەی پەرلەمانی كوردستان كرد، لەگەڵ وێنەیەكی نووسراوی وەزارەتی دارایی و ئابووری بەژمارە 6997 لە 10/7/2018.
بەیاننامەی دارایی ساڵی 2016 سەرجەم چالاكییە داراییەكانی ئەمساڵ لەخۆدەگرێت، كە لە تەرازووی پێداچوونەوەی مانگانەی دامەزراوە حكوومییەكان وەرگیراوە لە 1/1/2016 تاكو 31/12/2016 و بەیاننامەكە بە چەند خشتەیەكی هاوپێچ، جۆری هەموو داهات و خەرجییەكانی حكوومەت لە ساڵی 2016 دەخاتەڕوو. بەیاننامەی دارایی 2017 سەرجەم ئەو چالاكییە داراییانەی ساڵی 2017 دەخاتەڕوو، كە لە تەرازووی پێداچوونەوەی مانگانە وەرگیراوە تا 31/12/2017 بۆ خەرجی و داهات و لە چەند خشتەیەكی هاوپێچدا جۆری ئەو داهاتانەی كە وەرگیراوەو بووەتە سەرچاوەی تەمویلی وەزارەتی دارایی و ئابووری بۆ دابینكردنی بودجەی هەرێم، لەگەڵ خشتەی چۆنیەتی ئەو خەرجییانەی كە ئەنجامدراوە بۆ ساڵی دارایی 2017 بە شێوەی رێژەیی كە لە 10 خشتەی جیاواز خراونەتەڕوو .
له‌به‌شێكى دیكه‌ى ڕاگه‌یاندراوى په‌رله‌مان كوردستان ڕایده‌گه‌ێنێت ، دكتۆر جەعفەر ئیبراهیم ئێمینكی جێگری سەرۆكی پەرلەمانی كوردستان هەردوو بایەننامەی دارایی ئاراستەی لیژنەی دارایی پەرلەمانی كوردستان كردووە بۆ كاری پێویست.
شوان عه‌زیز
کۆمێنت (0)
تا ئێستا هیچ کۆمێنتێک نەکراوە.