فێستیڤاڵی هێلكه‌وڕۆن كه ماوه‌ی 23 ساڵه له شارۆچكه‌ی ماڵمێدی سه‌ربه ناوچه‌ی ڤاڵۆنی فه‌ڕه‌نسی زمانی وڵاتی به‌لجیكا به‌ڕێوه‌ده‌چێت، به‌گه‌ڕمی پێشوازیی لێكرا.
له مه‌یدانی شارۆچكه‌كه‌دا له تاوه‌یه‌كی یه‌ك تۆن 500 كیلۆگرام قورس و تیره چوار مه‌تر، (ئۆملێت) هێلكه‌وڕۆنێك ئاماده‌كرا.
بۆ ئه‌و هێلكه‌وڕۆنه‌ی له فێستیڤاڵه‌كه‌دا ئاماده‌كرا، 10 هه‌زار هێلكه به‌كارهێنرا، له‌پاڵ دانیشتوانی شارۆچكه‌كه‌دا له شاره‌كانی دیكه‌ی به‌لجیكا و وڵاتانی جیهانه‌وه خه‌ڵكێكی زۆر ئاماده‌ی فێستیڤاڵه‌كه بوون و به‌جۆش و خرۆشه‌وه ته‌ماشای شكاندنی هێلكه‌كان و ئاماده‌كردنی هێلكه‌وڕۆنه‌كه بوون.
منداڵانیش به‌جلوبه‌رگی تایبه‌ته‌وه به‌شێكبوون له فێستیڤاڵه‌كه و هاوكاریی شكاندنی هێلكه‌كانیان ده‌كرد. هه‌ر به هاوكاریی منداڵان، هێلكه‌وڕۆنه‌كه به‌سه‌ر ئاماده‌بوواندا دابه‌شكرا. دانیشتوانی شارۆچكه‌كه زۆر خۆشحاڵبوون به‌و نه‌ریته‌ی كه ماوه‌ی 23 ساڵه به‌رده‌وامن له‌سه‌ری. ئه‌م نه‌ریته له فه‌ڕه‌نسا، ئه‌مریكا، كه‌نه‌دا و ئه‌رجه‌نتین بڵاوبووه‌ته‌وه.
سه‌رچاوه/ روسیا ئه‌لیوم
كوردستان تیڤی/ كامران حاجی
کۆمێنت (0)
تا ئێستا هیچ کۆمێنتێک نەکراوە.