دوای ئەوەی ڕۆژی 7ی6ی2018 ، سەعات 10:30 خولەكی شەو لەنزیك پردی وڵوبە لەشاری سلێمانی هاوڵاتی ( ك ، ع ، ش ) كوژرا ، پاش گەیشتنی هێزەكانی پۆلیس و تیمەكانی بەڵگەی تاوان و كەشف و هێڵكاری بۆ شوێنی ڕوداوەكەو لێكۆڵینەوەی وردو وەرگرتنی ووتەی كەسوكاری كوژراوەكە كە سكاڵایان لەسەر چەند تۆمەتبارێك هەبو.
هێزەكانی پۆلیسی پارێزگای سلێمانی لێكۆڵینەوەی وردی لەڕوداوەكە دەستپێكرد و توانرا تۆمەتبار ( ه ، ق ، م ) لەدایكبوی 1990 پیشەی كاسب ، كەدەستی هەبووە لەوتاوانەدا دەستگیربكرێت .
تۆمەتباری سەرەكی ( د ، م ،ق ) لەدایكبووی 1991 كە هەڵاتبوو ، دوای لێكۆڵینەوە و دەستكەوتنی زانیاری ورد لەسەر شوێنی نیشتەجێبوونی دەركەوت كە تۆمەتبار بەرەو شاری هەولێر هەڵاتووە . پاشان بەهاوكاری هێزەكانی پۆلیسی هەولێر توانرا تۆمەتباری سەرەكی دەستگیر بكرێت و ڕەوانەی شاری سلێمانی بكرێتەوە بە مەبەستی لێكۆڵینەوە یاساییەكان .
ئێستا هەردوو تۆمەتبار بەفەرمانی دادوەرو بەپێی ماددەی 406 لەیاسای سزادانی عیراقی بەندن .
پۆلیس ڕاشیده‌گه‌ێنێت به‌رده‌وامین لەلێكۆڵینەوەكان بەردەوامییان هەیە بۆ دەستگیركردنی دوو تۆمەتباری تر كە دەستیان هەبووە لەو ڕوداوەدا.
شوان عه‌زیز
کۆمێنت (0)
تا ئێستا هیچ کۆمێنتێک نەکراوە.