گوته‌بێژی یه‌كێتی نیشتمانی كوردستان رایده‌گه‌ێنێ، ئه‌گه‌ر ھه‌ڵبژاردن بۆ مانگی 12 ی ئه‌مساڵ دوابخرێت، ئه‌گه‌رنا ئێمه گرفتمان نییه و بۆ 30 ئه‌یلوول ھه‌موو ئاماده‌سازییه‌كمان كردووه و ئاماده‌ین.
سه‌عدی ئه‌حمه‌د پیره، گوته‌بێژی یه‌كێتی نیشتمانی كوردستان له كۆنگره‌یه‌كی رۆژنامه‌وانیدا دوای ته‌واوبوونی كۆبوونه‌وه‌ی مه‌كته‌بی سیاسی یه‌كێتی رایگه‌یاند: ته‌وه‌ره‌كانی كۆبوونه‌وه‌ی ئه‌مڕۆی مه‌كته‌بی سیاسی بریتی بوون له ھه‌ڵبژاردنی په‌رله‌مانی كوردستان و به‌ستنی كۆنگره‌ی یه‌كێتی و دۆخی ئێستای عێراق.
هه‌روه‌ها گوتی: له كۆبوونه‌وه‌ی ئه‌مڕۆدا جه‌خت له‌سه‌ر گرنگی به‌ستنی كۆنگره كرایه‌وه و باسمان له كاره‌كانی كۆنگره كرد و وه‌ك پڕۆژه ده‌خرێته به‌رده‌م كۆبوونه‌وه‌ی ئه‌نجوومه‌نی سه‌ركردایه‌تی كه له‌ماوه‌ی نزیكدا ئه‌نجامده‌درێت، ھه‌روه‌ھا رای ئه‌نجوومه‌نی ناوه‌ندیش وه‌رده‌گیرێت، بۆ ئه‌وه‌ی رۆژی به‌ستنی كۆنگره دیاربكرێت.
گوتیشی: ئه‌گه‌ر ھه‌ڵبژاردن بۆ مانگی 12 ی ئه‌مساڵ دوابخرێت، ئه‌گه‌رنا ئێمه گرفتمان نییه و بۆ 30 ئه‌یلوول ھه‌موو ئاماده‌سازییه‌كمان كردووه و ئاماده‌ین.
کۆمێنت (0)
تا ئێستا هیچ کۆمێنتێک نەکراوە.