به‌ڕێوه‌به‌رایه‌تی پۆلیسی پارێزگای سلێمانی له ڕاگه‌ێنراوێكدا ڕایگه‌یاند: له‌درێژه‌ی كاروچالاكییه‌كانی به‌ڕێوه‌به‌رایه‌تی پۆلیسی پارێزگای سلێمانی و له هه‌ڵمه‌تێكی به‌شی پۆلیسی نه‌هێشتنی تاوان به‌مه‌به‌ستی ده‌ستگیركردنی ئه‌و ئافره‌تانه‌ی له‌ناوچه‌ی پیشه‌سازی و سه‌رشه‌قامه گشتییه‌كان ڕاده‌وه‌ستن به‌بیانوی سواڵكردن.
ڕاشیگه‌یاند: له‌و هه‌ڵمه‌ته‌دا توانرا 19 ئافره‌ت ده‌ستگیربكرێن و ڕاده‌ستی بنكه‌ی پۆلیسی چوارچرا كران به‌مه‌به‌ستی لێكۆڵینه‌وه له‌گه‌ڵیاندا.
ئاماژه‌ی به‌وه‌ش كردووه: ده‌ستگیركراوه‌كان سه‌رجه‌میان خه‌ڵكی ده‌ره‌وه‌ی شاری سلێمانین و هه‌واڵه‌كردنیان بۆ به‌رده‌م دادگا به‌مه‌به‌ستی گرتنه‌به‌ری ڕێكاری یاسایی له‌گه‌ڵیاندا.
پۆلیسی سلێمانی ده‌شڵێت: هه‌ڵمه‌ته‌كه به‌رده‌وامه‌و رێكاری یاسایی ده‌گیرێته‌به‌ر له‌دژی هه‌ركه‌سێك كه‌به‌بیانوی سواڵكردن یان فرۆشتنی كه‌لوپه‌ل له‌ترافیك و شه‌قامه گشتیه‌كانی ناوشار ببینرێن.
کۆمێنت (0)
تا ئێستا هیچ کۆمێنتێک نەکراوە.