به‌پێى ئه‌و نوسراوانه‌ى له‌لایه‌ن به‌ڕێوه‌به‌رایه‌تى گشتى په‌روه‌رده‌ى سلێمانى بڵاو كراونه‌ته‌وه كه‌وێنه‌یه‌ك ده‌ست ماڵپه‌رى كوردستان تیڤى كه‌وتووه ، به‌ڕێوه‌به‌رایه‌تیه‌كه ڕێنمایی تایبەت بە مامۆستایانی وانەبێژ بۆ ساڵی نوێی خوێندن 2018 -2019 ڕاده‌گه‌ێنێت .
به‌پێى ڕێنماییه‌كان كه‌به‌نوسراوى فه‌رمى بڵاو كراوه‌ته‌وه تێیدا هاتووه ، دانانی مامۆستایانی وانەبێژ لەمەودا دەبێت بەخاڵ و ھەر کەسێک خاڵی زیاتر بێت وەک مامۆستای وانەبێژ لە قوتابخانەکاندا دادەنرێت.
له‌نوسراوه‌كه‌ى په‌روه‌رده‌دا هاتووه ، دەرچوانی کۆلێژەکانی پەروەردە، پەروەردەی بنەڕەتی، پەیمانگای ھونەرجوانەکان، وەرزش 25 خاڵیان دەبێت، دەرچوانی کۆلیژەکانی زانست و زمان و ئاداب 10 خاڵ و کۆلێژەکانی دیکەش 10 خاڵ و دەرچوانی پەیمانگاکان پێنج خاڵیان پێدەدرێت بۆ ھەر ساڵێکی دەرچونیش لە زانکۆ دوو خاڵ ھەژمار دەکرێت، ئەوانەشی دەچنە دەرەوەی شارەکان یان خۆبەخش بوون 10 خاڵیان بۆ ھەژمار دەکرێت
له‌كۆتادا په‌روه‌رده ڕایده‌گه‌ێنێت ماوه‌ى 15 رۆژ دیاری كراوه بۆ دابەشکردنی فۆڕم.
شوان عه‌زیز
کۆمێنت (0)
تا ئێستا هیچ کۆمێنتێک نەکراوە.