به‌پێى ڕاگه‌یاندراوی پێگه‌ى فه‌رمى حكوومه‌تى هه‌رێمى كوردستان ڕایده‌گه‌ێنێت ، سه‌رله‌به‌یانی ئه‌مڕۆ یه‌كشه‌ممه 5/8/2018 قوباد تاڵه‌بانى جێگری سه‌رۆك وه‌زیرانی هه‌رێمی كوردستان، سه‌ردانی دادگای سلێمانی كرد و له‌گه‌ڵ سه‌رۆكی دادگا و ژماره‌یه‌ك له دادوه‌ران كۆبوه‌وه.
دواتر له كۆنگره‌یه‌كی رۆژنامه‌وانیدا ڕایگه‌یاند كه به‌ئه‌لكترۆنیكردنی سه‌رجه‌م كاره‌كانی دادگای سلێمانی، قۆناغێكی گرنگه و به‌م شێوه‌یه‌ش كاتێكی زۆر بۆ هاووڵاتیان ده‌گه‌ڕێته‌وه و كاره‌كانیان به زوویی ڕاده‌په‌ڕێنن.
جێگری سه‌رۆك وه‌زیران جه‌ختی له‌وه‌ش كرده‌وه كه پێویسته دادگاكان له ململانێ سیاسییه‌كان به‌دوور بن و پشتیوانی خۆی بۆ به‌هێزكردنی ده‌سه‌ڵاتی دادوه‌ری ده‌ربڕی و گوتی " ئێمه پشتگیریی ده‌سه‌ڵاتی دادوه‌ری و سه‌ربه‌خۆییی دادگا ده‌كه‌ین و ئه‌گه‌ر سه‌ربه‌خۆییی دادگا كارا بێت ئه‌وه یاسا سه‌روه‌ر ده‌بێت، بۆیه پێویسته دادگا به‌دوور بێت له ململانێی سیاسی و یارمه‌تیده‌ر ده‌بین بۆ به‌هێزكردنی ده‌سه‌ڵاتی دادوه‌ری".
شوان عه‌زیز
کۆمێنت (0)
تا ئێستا هیچ کۆمێنتێک نەکراوە.