به‌ڕێوه‌به‌رایه‌تی گشتی كه‌شناسی و بوومه‌له‌رزه‌زانی هه‌رێمی كوردستان رایگه‌یاند كه له ئه‌نجامی به‌رده‌وامبوونی كاریگه‌ری نزمه وپاڵه‌په‌ستۆی گه‌رمی وه‌رزی ساڵانه، سبه‌ینێ ئاسمان ساماڵ ده‌بێت و له ئه‌مڕۆوه پله‌كانی گه‌رما به‌رز ده‌بنه‌وه.
به‌ڕێوه‌به‌رایه‌تی كه‌شناسی هه‌رێم رایگه‌یاند كه ئه‌مڕۆ یه‌كشه‌ممه 2018/8/5 له شاره‌كانی هه‌رێمی كوردستان و هه‌روه‌ها له كه‌ركوك ئاسمان نیمچه‌هه‌ور ده‌بێت پاشان ده‌گۆڕێت بۆ ساماڵ.
ئاماژه‌شی به‌وه‌دا كه به‌رزترین پله‌كانی گه‌رما له هه‌ولێر 40، سلێمانی 38، دهۆك 38، كه‌ركوك 42 پله‌ی سه‌دی ده‌بێت.
به‌رێوه‌به‌رایه‌تی كه‌شناسی هه‌رێم ئه‌وه‌شی خستووه‌ته‌ڕوو كه سبه‌ینێ دووشه‌ممه 6ی ئابی 2018 له شاره‌كانی هه‌رێمی كوردستان هه‌ولێر و سلێمانی دهۆك و كه‌ركوك ئاسمان ساماڵ ده‌بێت.
راشیگه‌یاند كه به‌رزترین پله‌كانی گه‌رما له هه‌ولێر 42، سلێمانی 40، دهۆك 40، كه‌ركوك 44 پله‌ی سه‌دی ده‌بێت.
کۆمێنت (0)
تا ئێستا هیچ کۆمێنتێک نەکراوە.