هونه‌رمه‌ندی شێوه‌كاری كورد " عه‌دنان عه‌بدولقادر " له فێستیڤالێكی نێوده‌وله‌تیدا كه له ولاتی ئوردون به‌رێوه‌چوو،خه‌ڵاتێكی نێوده‌وڵه‌تی به ناوی قه‌ڵغانی ئاڵتوونی به‌ده‌ستهێنا .
ئه‌م هونه‌رمه‌نده ئاشكرایده‌كا ، له فێستیڤاڵی نێوده‌وله‌تی عه‌قه‌به كه له وڵاتی ئوردون ئه‌نجامدرا و هونه‌رمه‌ندان له 20 وڵاتی عه‌ره‌بی به‌شداریان تییدا كرد ، توانی قه‌ڵغانی ئاڵتوونی به‌ده‌ستبهێنێت و له لایه‌ن وه‌زیری رۆشنبیری ئه‌م وڵاته‌وه خه‌ڵاته‌كه‌ی وه‌ربگرێت .
وتیشی وەكوو شانازییەك بۆ كوردبوونی بە جلی كوردییەوە خەڵاتەكەی وەرگرت و لەلایەن هونەرمەندانی دیكەوە لە بەرامبەر پۆشینی جلی كوردی دەستخۆشی زۆری لێكرا .
هونه‌رمه‌ندی شێوه‌كاری كورد " عه‌دنان عه‌بدولقادر " ته‌مه‌نی 47 ساڵه و به‌شداری له ده‌یان پێشانگای هاوبه‌ش كردووه و 30 پێشانگای تایبه‌ت به خۆشی كردووه‌ته‌وه و خاوه‌نی زیاتر له 3000تابلۆ و ژماره‌یه‌ك بروانامه‌ی نێوده‌وله‌تییه .
کۆمێنت (0)
تا ئێستا هیچ کۆمێنتێک نەکراوە.