سه‌رۆک بارزانی پێشوازی له‌ مه‌لیکه‌ مه‌زان کرد

ڕۆژی سێشه‌ممه‌ 31ـی 7ـی 2018 له‌ سه‌لاحه‌ددین سه‌رۆك مه‌سعود بارزانی پێشوازی له‌ نووسه‌ر و شاعیری ئه‌مازیغی و دۆستی گه‌ل كوردستان خاتوو مه‌لیكه‌ مه‌زان كرد.

له‌ دیداره‌كه‌دا خاتوو مه‌زان خۆشحاڵیی خۆی به‌ دیداره‌كه‌ ده‌ربڕی و گوتی ئه‌وه‌ بۆ من شه‌ره‌فێكی گه‌وره‌یه‌ له‌گه‌ڵ سه‌ركرده‌یه‌كی گه‌وره‌ی خه‌باتی ڕزگاریخوازی گه‌لان و سه‌رۆكێك كه‌ له‌پێناو مرۆڤایه‌تیدا سه‌ركردایه‌تیی شه‌ڕی دژی تیرۆریستانی كردووه‌ دانیشتووم و پێزانینی بۆ ڕۆڵ و قاره‌مانێتی پێشمه‌رگه‌ی كوردستان و خۆڕاگریی گه‌لی كوردستان هه‌بوو و وه‌ك نموونه‌یه‌كی زیندووی ئازادیخوازی و مرۆڤدۆستی پێناسه‌ی كوردستانی كرد.

سه‌رۆك بارزانی وێڕای به‌خێرهێنان، ڕێز و پێزانینی بۆ هه‌ڵوێسته‌ مرۆڤانه‌ و ئازایه‌نه‌ و دۆستانه‌كانی خاتوو مه‌زان پێشان دا و بۆ ئه‌و نووسین و ده‌ربڕینانه‌ی وه‌ك به‌رگریی له‌ گه‌لی كوردستان خستوویه‌تییه‌ڕوو، سوپاسی كرد.