به‌پێی ڕاگه‌یاندراوێك، نیوەڕۆی ئەمڕۆ لە شاری سلێمانی، كۆسرەت ڕەسول عەلی، جێگری سكرتێری گشتیی یەكێتی نیشتمانی كوردستان پێشوازی لە نێچیرڤان بارزانی، سەرۆكی حكوومەتی هەرێمی كوردستان و شاندێكی هاوڕێی كرد.
نیوەڕۆی ئەمڕۆ یەكشەممە 29/7/2018 لە شاری سلێمانی، كۆسرەت ڕەسول عەلی جێگری سكرتێری گشتی یەكێتی نیشتمانی كوردستان پێشوازی لە نێچیرڤان بارزانی سەرۆكی حكومەتی هەرێمی كوردستان و وەفدی هاوڕێی كرد.
لە كۆبوونەوەكەدا كە ژمارەیەك لە هەڤاڵانی مەكتەبی سیاسی ئامادەی بوون، گفتوگۆ كرا لەبارەی بارودۆخی كوردستان و عێراق و گفتوگۆ و لێكتێگەیشتنی هاوبەش وەك چارەسەری سەرەكی بۆ بارودۆخەكە سەیر كرا.
هەر لە كۆبوونەوەكەدا جێگری سكرتێری گشتی دەستخۆشی لە سەرۆكی حكومەتی هەرێمی كوردستان كرد بۆ كردنەوەی پڕۆژەی وێستگەی كارەبای 400 كەیڤی لە بازیان و هیوای خواست هەنگاوی باشتر بنرێ بۆ چارەسەركردنی كێشەی كارەباو خزمەتگوزاری زیاتر پێشكەشی هاووڵاتیان بكرێ.
هەڵبژاردنەكانی كوردستان و پێكهێنانی حكومەتی عێراق، تەوەرێكی تری كۆبوونەوەكە بوو، هەردوولا بەگرنگیانزانی كە كورد وەك تیمێكی هاوبەش بچێتە بەغدا و لەكوردستانیش لایەنەكان بەوپەڕی دیموكراسیەوە بەشداری لە پڕۆسەكە بكەن.
کۆمێنت (0)
تا ئێستا هیچ کۆمێنتێک نەکراوە.