گوتەبێژی وەزارەتی ئەوقاف و کاروباری ئایینی حکوومەتی هەرێمی کوردستان، رایگه‌یاند: یەکەمین کاروانی حاجییانی هەرێمی کوردستان، بە پاسی تایبەت گەیشتنە شاری مەکكەی پیرۆز.
نەبەز ئیسماعیل، گوتەبێژی وەزارەتی ئەوقاف و کاروباری ئایینی حکوومەتی هەرێمی کوردستان، ڕاگەیاند: ئەمڕۆ شەممە 28\7\2018، یەکەمین کاروانی حاجییانی هەرێمی کوردستان بەپاسی تایبەت لەشاری مەدینەوە گەیشتنە شاری مەککە.
گوتەبێژی وەزارەتی ئەوقاف ئەوەشی خستەڕوو، کە ژمارەی حاجییەکان 528 حاجییە و دانیشتووی پارێزگای ھەولێر و سلێمانین.
ڕۆ‌ژی 23\7\2018، یەکەمین کاروانی حاجییانی هەرێمی کوردستان لە هەردوو فڕۆکەخانەى نێودەوڵەتى هەولێر و سلێمانیی بەرەو سعوودیە کەوتنەڕێ، بۆ بەجێهێنانی فەریزەی حەج.
کۆمێنت (0)
تا ئێستا هیچ کۆمێنتێک نەکراوە.