به‌هۆی رووداوێكی هاتووچۆ له‌سه‌ر رێگای خه‌بات هه‌ولێر 8 كه‌س بوونه قوربانی .
په‌یامنێری كوردستان تی ڤی پێی راگه‌یاندین: شه‌وی رابردوو له‌سه‌ر رێگای خه‌بات هه‌ولێر نزیك كۆمه‌ڵگای سێبیران به‌هۆی خێرا لێخوڕینه‌وه دوو ئۆتۆمبێل له جۆره‌كانی تویوتا كامری و پاسێك پێكیان دادا له ئه‌نجامدا خاوه‌نی تویوتا كامریه‌كه گیانی له‌ده‌ستدا و هه‌روه‌ها 7 كه‌سی تر كه ئه‌ندامی یه‌ك خێزان بوون له‌ناو پاسه‌كه بریندار بوون .
ملازم یه‌ك كۆڤان سورچی له به‌شی هاتووچۆی پۆلیسی خه‌بات به كوردستان تی ڤی راگه‌یاند هۆكاری رووداوه‌كه خێرا لێخووڕینی تویوتا كامریه‌كه بووه كه كۆنتڕۆڵی له‌ده‌ستداوه .
راشیگه‌یاند: خاوه‌نی تویوتا كامریه‌كه گیانی له‌ده‌ستدا و هه‌روه‌ها 7 كه‌سی تر كه ئه‌ندامی یه‌ك خێزان بوون له‌ناو پاسه‌كه بریندار بوون و بۆ چاره‌سه‌ر ره‌وانه‌ی نه‌خۆشخانه‌ی فریاكه‌وتنی هه‌ولێر كران.
سالار نامیق
کۆمێنت (0)
تا ئێستا هیچ کۆمێنتێک نەکراوە.