له‌ڕاگه‌یاندراوێكدا كه‌وێنه‌یه‌ك ده‌ست ماڵپه‌رى كوردستان تیڤى كه‌وتووه ، قائیمقامییه‌تى قه‌زای ناوه‌ندی سلێمانى ڕایده‌گه‌ێنێت به‌هاوكاری پۆلیس و لێژنه‌كانمان ، به‌هۆی پایه‌ند نه‌بوون به مه‌رج و رێنماییه‌كانی كاركردن و كه‌مته‌رخه‌می به‌رامبه‌ر به مناڵه‌كان، له سلێمانی باخچه‌ی شنیار داخرا
شاتوو حسێن، سه‌رۆكی لیژنه‌ی باخچه و دایه‌نگه‌كانی سه‌ر به لیژنه هاوبه‌شه‌كان رایگه‌یاند؛ به‌هۆی پابه‌ندنه‌بون به مه‌رج و رێنماییه‌كانی كاركردن به گشتی و به‌تایبه‌ت ته‌ندروستیه‌كان باخچه‌ی شنیار له گه‌ره‌كی به‌كره‌جۆی شاری سلێمانی داخراوه.
وتیشی؛ چه‌ند جارێك لیژنه هاوبه‌شه‌كان سه‌ردانیان كردوه و ئاگاداریان كردۆته‌وه له كه‌موكورتیه‌كانی، به بیانوی نۆژه‌نكردنه‌وه لیژنه‌كان چاوپۆشیان لێكردوه و رێكاری پێویستی به‌رامبه‌ری نه‌گیراوه‌ته‌به‌ر.
رونیكرده‌وه، پێشتر له باخچه‌ی شنیار لیژنه هاوبه‌شه‌كان ده‌ستیان به‌سه‌ر ده‌مانچه‌یه‌كی چه‌رخدا گرتووه، یه‌كێكی تر له سه‌رپێچیه‌كانی باخچه‌ی شنیار، كاركردنی به‌رگدورینه له شوێنه‌كه‌دا، هه‌بونی مقه‌ست و ده‌رزی و ئه‌و پێداویستیانه‌ی كه مه‌ترسی بۆ سه‌ر مناڵ دروست ده‌كات پێچه‌وانه‌ی رێنمایه‌كانی كاركردنه له باخچه‌كانی مناڵدا.
رونیكرده‌وه؛ باخچه‌كه كه‌مته‌رخه‌م بوون به‌رامبه‌ر مناڵه‌كان به‌تایبه‌ت له‌ژه‌مه‌كانی نانخواردن و میوه‌خواردندا به بیانوی ئه‌وه‌ی مناڵه‌كان میوه‌ناخۆن، بۆیه به‌فه‌رمانی قائیمقامی سلێمانی باخچه‌ی شنیار داده‌خرێت و رێكاری یاسایی به‌رامبه‌ر خاوه‌نه‌كه‌ی ده‌گیرێته‌به‌ر.
شوان عه‌زیز
کۆمێنت (0)
تا ئێستا هیچ کۆمێنتێک نەکراوە.