له‌راگه‌یاندراوێكدا كه‌وێنه‌یه‌ك ده‌ست ماڵپه‌رى كوردستان تیڤى كه‌وتووه ، هاتووچۆ ڕایده‌گه‌ێنێت ، له وه‌رزی گه‌رماى ئێستاكه و شۆفێران ته‌برید به‌كاربێنن بڕی به‌نزین زیاتر سه‌رف ده‌بێت وه‌یاخود جامی ئۆتۆمبێل بكرێته‌وه كامیان زیاتر سه‌رف ده‌كات ، هاتووچۆ ئه‌م ڕوونكردنه‌وه‌ی دا :
له وه‌رزی گه‌رما ی ئێستاكه ، زۆرینه‌ی ئۆتۆمبێله نوێیه‌كان ته‌بریدیان تێدایه، بۆ پاراستنی ئۆتۆمبێله‌كان‌و كه‌مكردنه‌وه‌ی خه‌رجی به‌نزین چی بكرێت باشه؟ جامی ئۆتۆمبێله‌كان بكرێنه‌وه، یان دابخرێن‌و ته‌برید كار پێبكرێت؟
زۆرێك له‌ئێمه پێمانوایه له‌وه‌رزی هاویندا كردنه‌وه‌ی جامه‌كانی ئۆتۆمبێل واده‌كات كه‌متر به‌نزین بخوات، به‌ڵام له‌ڕاستیدا ئه‌مه وانییه، ده‌سته‌ی ئه‌ندازیارانی ئۆتۆمبێلی جیهانیی (SAE)، چه‌ندین تێستیان له‌سه‌ر ڕۆشتنی ئۆتۆمبێل به‌ته‌بریده‌وه‌و هه‌روه‌ها به‌كردنه‌وه‌ی جامه‌كان كردوه، تا بۆیان ده‌ربكه‌وێت له‌كام باردا ئۆتۆمبێل سوته‌مه‌نیی زیاتر سه‌رف ده‌كات، ئه‌م ئه‌نجامه‌یان به‌رده‌ست كه‌وتوه.
1- ئه‌گه‌ر له‌ده‌ره‌وه‌و ناوه‌وه‌ی شاردا هاتوچۆت كردو خێراییه‌كه‌ت له‌سه‌روو (70 كیلۆمه‌تر/سه‌عات)ه‌وه‌یه، پێویسته جامه‌كانی ئۆتۆمبێله‌كه‌ت دابخه‌یت‌و باشتره ته‌برید هه‌ڵبكه‌یت، چونكه له‌كاتی كردنه‌وه‌ی جامی ئۆتۆمبێل، خێرایی با به‌هۆی خێرابونی ئۆتۆمبێله‌كه‌وه له‌سه‌ر ئۆتۆمبێله‌كه به‌ئاڕاسته‌ی پێچه‌وانه‌ی ڕۆشتنی ئۆتۆمبێله‌كه زیاد ده‌كات‌و به‌مه‌ش هێزی به‌ره‌نگاریی با زیادده‌كات‌و هه‌رچه‌ند زه‌خت له‌ئۆتۆمبێله‌كه بكه‌یت ئه‌وه‌نده چوستییه‌كه‌ی داده‌به‌زێت‌و سه‌رئه‌نجام به‌نزین یان گاز زیاتر سه‌رفده‌كات‌و چالاكیی ئۆتۆمبێله‌كه‌ش كه‌م ده‌كاته‌وه.
2- ئه‌گه‌ر به‌خێرایی كه‌متر له (70 كیلۆمه‌تر/سه‌عات)ه‌وه بیت، ئه‌وا
باشتره‌و ئاساییه ئه‌گه‌ر جامه‌كان بكه‌یته‌وه.
3- هه‌ڵكردنی ته‌برید خێرایی فڕه‌ی كرێن به‌ڕیژه‌ی (5 تا 10%) كه‌مده‌كاته‌وه.
4- ئه‌م كێشه‌یه زیاتر له‌و ئۆتۆمبێلانه ده‌رده‌كه‌وێت كه قه‌باره‌ی
مه‌كینه‌كانیان له 1.8 لیتر كه‌متره.
شوان عه‌زیز
کۆمێنت (0)
تا ئێستا هیچ کۆمێنتێک نەکراوە.