به‌ره‌به‌یانی ئه‌مڕۆ ژماریه‌ك چه‌كدار كه پێشبینی ده‌كرێت سێ تا چوار چه‌كداربن هێرشیان كرده سه‌ر باڵه‌خانه‌ی پارێزگاری هه‌ولێر.
له‌مباره‌یه‌ره‌وه تاهیر عه‌بدوڵڵا، جێگری پارێزگاری هه‌ولێر بۆ كوردستان تیڤی راگه‌یاند: كات ژمێر 7:45 خوله‌كه‌ی ئه‌مرۆ دوو تا سێ چه‌كدار كه به ته‌واوه‌تی ژماره‌یان نازاندرێ هێرشیان كردۆته سه‌ر باڵه‌خانه‌ی پارێزگای هه‌ولێر.
هه‌روه‌ها گوتیشی: له ئێستادا هێزه‌كانی ئاسایش چوونه‌ته نێو باڵه‌خانه‌ی پارێزگاو به‌دوای ئه‌و چه‌كدارانه‌دا ده‌گه‌رێن و دۆخه‌كه له‌ژێر كۆنترۆڵدایه.
هه‌روه‌ها په‌یامنێری كوردستان رایگه‌یاند: له هێرشه‌كه‌دا ته‌نها پۆلیسێك برینداربووه‌و هێزه ئه‌منییه‌كانیش له ده‌وربه‌ری باڵه‌خانه‌ی پارێزگای هه‌ولێر بڵاو بوونه‌ته‌وه.
نوێده‌كرێته‌وه........
ئاماده‌كردنی: رزگار
کۆمێنت (0)
تا ئێستا هیچ کۆمێنتێک نەکراوە.