له واشنتۆنی پایته‌ختی ئه‌مریكا دوایین سه‌رژمێری بۆ پشیله‌كانی ئه‌م شاره ده‌ستی پێكرد و ، بریاریشه دوای ئه‌م شاره له ته‌واوی شاره‌كانی دیكه‌ی ئه‌مریكا ئه‌نجامبدرێت .
دوێنی 21/7/2018 چه‌ند گرووپێك ده‌ستیانكرد به‌م پرۆسه‌یه و ئاشكراشی ده‌كه‌ن كه پرۆسه‌كه سێ ساڵ ده‌خایه‌نێ و ته‌واوی شاره‌كانی ئه‌مریكاش ده‌گرێته‌و له مانگی حوزه‌یرانی 2021 ته‌واو ده‌بێت .
ئاژانسی رۆیته‌رز باس له ئامانجی پرۆسه‌كه ده‌كات و ئاشكرایده‌كات مه‌به‌ست له‌م سه‌رژمێرییه زانیاری دانه به ریكخراوه‌كانی ئاژه‌ڵپارێزی ، بۆ ئه‌وه‌ی به رێكو پێكی خاردن و خواردنه‌وه بۆ پشیله‌كان دابینبكرێت و بزانرێت ژماره‌ی پشیله‌كانی سه‌رشه‌قام چه‌نده .
پێشبینی ده‌كرێت له هه‌ر 3 ماڵێك له ئه‌مریكا پشیله‌یه‌ك هه‌بێت ، بۆیه سه‌رپه‌رشتیارانی پرۆسه‌كه پێشبینی ده‌كه‌ن 74 ملیۆن پشیله له ئه‌مریكا هه‌بێت ،شاره‌زایان هۆكاره‌كانی ئه‌و ژماره زۆره‌ی پشیله له‌م وڵاته بۆ مردنی باڵنده‌كان و ئاژه‌له مه‌مكداره بچووكه‌كانی دیكه ده‌گه‌رێننه‌وه .
کۆمێنت (0)
تا ئێستا هیچ کۆمێنتێک نەکراوە.