سه‌ر له‌به‌یانى ئه‌مڕۆ یه‌ك شه‌ممه 22 ى ته‌موزی 2018 ، هێزێكى هاوبه‌شى دژه تیرۆری عێراقى و حه‌شدى شه‌عبی له‌گه‌ڕه‌كى په‌نجا عه‌لى كه‌ركوك ، ده‌ستیان به‌شكنین و گه‌ڕانى ماڵه‌كانی ئه‌و گه‌ڕه‌كه‌یان ئه‌نجامداوه
به‌پێى زانیارییه‌كان ئه‌و هێزانه له‌و گه‌ڕه‌كه هاتووچۆى ئۆتۆمبێلیشیان قه‌ده‌غه كردووه ، نایه‌ڵن هیچ ئۆتۆمبێلێك به‌ناوچه‌كه‌دا تیپه‌ڕببێت .
تا ئێستا هۆكاری گه‌ڕان و پشكنینى ماڵه‌كان له‌گه‌ڕه‌كى په‌نجا عه‌لى له‌كه‌ركوك له‌لایه‌ن ئه‌و هێزانه‌وه ڕووننه‌كراوه‌ته‌وه ، ڕه‌وشى ئه‌منی كه‌ركوك و ده‌وروبه‌ری له‌ئێستادا ئاڵۆزه و له‌هه‌فته‌ى پێشوو ژماره‌یه‌ك ته‌قینه‌وه له‌كه‌ركوك ڕوویاندا ، هێزه‌كانى عێراقى توانای پاراستنى ناوچه‌كه‌یان نه‌ماوه و چاڵاكى چه‌كدارانى داعش زیادی كردووه له‌هێرشكردنه سه‌ر دژه تیرۆر و حه‌شدى شه‌عبی
شوان عه‌زیز
کۆمێنت (0)
تا ئێستا هیچ کۆمێنتێک نەکراوە.