به‌ڕێوه‌به‌ری كۆمه‌ڵگه‌ی نێوده‌وڵه‌تیی حاجی ئۆمه‌ران، رایده‌گه‌یه‌نێ، ده‌ست به‌سه‌ر زیاتر له دوو تۆن ده‌رمان و پێداویستی پزیشكی قاچاغدا گیرا كه له‌ژێر كاغه‌زدا شاردرابووه‌وه و به‌نیازبوون له ئێرانه‌وه بیگوازنه‌وه بۆ هه‌رێمی كوردستان.
مه‌سعود باتێلی، به‌ڕێوه‌به‌ری كۆمه‌ڵگه‌ی نێوده‌وڵه‌تی حاجی ئۆمه‌ران، رایگه‌یاند:بڕی 2 تۆن و 234 گرام ده‌رمانی قاچاغ له‌نێو ئۆتۆمبێلێكدابوو، به‌نیازبوون له ئێرانه‌وه به‌ره‌و هه‌رێمی كوردستان بیگوازنه‌وه به‌ڵام له لایه‌ن كارمه‌ندانی ده‌روازه‌ی نێوه‌ده‌وڵه‌تی حاجی ئۆمه‌ران ده‌ستی به‌سه‌رداگیرا.
راشیگه‌یاند: ده‌رمانه‌كان له‌ژێر په‌ڕه‌ی A4 دا شاردرابوونه‌وه و ویستوویانه به‌شێوه‌یه‌كی نایاسایی بهێنرێته ھه‌رێمی كوردستانه‌وه.
کۆمێنت (0)
تا ئێستا هیچ کۆمێنتێک نەکراوە.