تۆپخانه‌کانی ئێران تۆپبارانی ده‌ڤه‌ری سیده‌کان ده‌که‌ن

كاتژمێر 1:35 خوله‌كی دوای نیوه‌ڕۆی ئه‌مڕۆ تۆپخانه‌كانی ئێران به‌ چڕی تۆپبارانی ناوچه‌كانی سنووری سیده‌كان ده‌كه‌ن.

په‌یامنێرمان له‌ سیده‌كانه‌وه‌ پێی ڕاگه‌یاندین ماوه‌ی 10 خوله‌كه‌ تۆپخانه‌كانی ئێران له‌ سنوری كێله‌شینه‌وه‌ به‌چڕی تۆپبارانی كوێستانی به‌ربزین و گه‌روی سنگا ده‌كه‌ن.

ڕاشیگه‌یاند:  به‌هۆی تۆپبارانه‌كه‌وه‌ ئاگرێكی گه‌وره‌ له‌ ناوچه‌كه‌ كه‌وتوته‌وه‌.

له‌باره‌ی تۆپبارانه‌كه‌شه‌وه‌ "زبێرحالی" به‌رپرسی به‌تالیۆنی پاسه‌وانانی سنوور له‌سیده‌كان به‌كوردستان تیڤی ڕاگه‌یاند: كوێستانه‌كانی به‌ربزین و گه‌روی سنگا زۆر به‌چڕی كه‌وتوونه‌ته‌ به‌ر تۆپبارانی تۆپخانه‌كانی ئێران.

ڕاشیگه‌یاند: تا ئێستا پترله‌ 100 گوله‌ی تۆپ به‌ر ناوچه‌ كه‌وتوون وتۆپبارانه‌كه‌ش به‌رده‌وامه‌.