له رووداوێكی هاتوچۆی زۆر سه‌یردا له‌ویلایه‌تی ئیندیانای ئه‌مریكا مێشووله‌یه‌ك ده‌بێته هۆی وه‌رگه‌ڕانی بارهه‌ڵگرێك.
پێگه‌ی یوپی ئای هه‌واڵی راگه‌یاندووه: ئه‌و كاته‌ی بارهه‌ڵگرێك له‌سه‌ر رێگای خێرا لێخورین بووه، مێشووله‌یه‌ك ده‌چێته نێو قه‌مه‌ره‌ی بارهه‌ڵگره‌كه‌وه و شوفێره‌كه بێزار ده‌كات.
له‌كاتێكدا شوفێره‌كه ویستویه‌تی خۆی له‌و مێشووله‌یه رزگار بكات، كۆنتڕۆڵی خۆی له‌ده‌ست ده‌دات و خۆی به‌و راگره ئاسنانه‌دا ده‌كێشێ كه له لێواری رێگاكه دانرابوون، له‌ئاكامدا ده‌بێته هۆی وه‌رگه‌ڕانی بارهه‌ڵگره‌كه كه 19 ته‌ن له باری پلاستیكی پێبووه.
ئه‌و پێگه‌یه ده‌شڵێت: شوفێری بارهه‌ڵگره‌كه له رووداوه‌كه به سووكی بریندار بووه، هاوكاتیش به‌هۆی ئه‌و سه‌رپێچییه‌وه سزای ماددی ده‌درێت.
ئاماده‌كردنی: رزگار
کۆمێنت (0)
تا ئێستا هیچ کۆمێنتێک نەکراوە.