دوای فیلمی ئەنیمەیشنی شەڕی دوو كەڵەشێرەكە كە باسی لە ململانێ و ناكۆكیە سیاسیەكان دەكرد، هونەرمەند " ڕافد جەڕاح "لە ماوەی ساڵێكدا توانی ڤیدیۆیەكی میوزیكی ئامادە بكات و بیخاتە نێو كێبڕكێی فستیڤاڵە جیهانیەكان .
ئه‌م هونه‌رمه‌نده ئاشكرایده‌كات ، ئەو كورتە فیلمە ئەنیمەیشنە میوزیكیە لە ماوەی یەك ساڵ كاركردن بەرهەمهاتووە ، كاری دەرهێنان و ئەنیمەیشنەكە خۆی ئه‌نجامی داوه و میوزیك ژەنی ئیسپانی " بێن ۆودس" كاری میوزیكەكەی كردووە كە ئێستا لە وڵاتە یەكگرتووەكانی ئەمریكا ژیان دەكا .
ئەو فیلمە میوزیكیە چۆتە نێو كێبڕكێی سێ فستیڤاڵی جیهانی ، ئەوانیش فستیڤاڵی " ئۆف نەیشن " لە شاری لێنچینگ لە وڵاتی نەمسا و فستیڤاڵی Jecheon" International Music & Film Festival " لە شاری سێئۆل لە كۆریا ، لەگەڵ فستیڤاڵیArt all night .
ئه‌م فیلمه لە فستیڤاڵی نەمسا لە 18 ی مانگی پێنجی 2018 نمایش كرا كە لە 3000 فیلم تەنها 103 فیلم هەڵبژێردران ، بڕیاریشە لە 9 ی ئابی ئەمساڵ لە سیئۆلی كۆریا نمایش بكرێت ، لە وڵاتە یەكگرتووەكانی ئەمریكاش ڕۆژی 16 ی حوزەیران نمایشكرا .
کۆمێنت (0)
تا ئێستا هیچ کۆمێنتێک نەکراوە.