سه‌رۆكی گه‌وره‌ترین پارتی نێو په‌رله‌مانی ئه‌وروپا ده‌ڵێت، هه‌وڵ ده‌ده‌ین به‌م نزیكانه سه‌ردانی هه‌رێمی كوردستان بكه‌ین.
له‌دیدارێكی نێوان جۆزێف دۆل ، سه‌رۆكی پارتی گه‌لانی ئه‌وروپا و فه‌لاح حه‌سه‌ن ،جێگری سه‌رۆكی لاوانی سیاسی جیهان و نوێنه‌ری ده‌ره‌وه‌ی لاوانی سیاسی پارتی دیموكراتی كوردستان، جۆزێف دۆل ڕۆڵی پێشمه‌رگه‌ی كوردستانی به‌رزنرخاند و گه‌لی كوردستانی به گه‌لێكی خاوه‌ن ھه‌ڵوێستی مرۆڤانه وه‌سفكرد، به‌تایبه‌تی له پێشوازیكردنی په‌نابه‌ران و لێقه‌وماوان.
هاوكات فه‌لاح حه‌سه‌ن به‌تۆڕی راگه‌یاندنی لاوانی سیاسی ئه‌وروپای ناسراو به (دامیك)ی ڕاگه‌یاندووه: كه لاوانی سیاسی كورد له‌ده‌ره‌وه ھه‌وڵده‌ده‌ن په‌یامی گه‌لی ھه‌رێمی كوردستان به ئه‌وروپا و جیهان بگه‌یه‌نن و ببنه پردی دۆستایه‌تی و پاڵپشت بۆ ئاینده‌ی كوردستان.
شایه‌نی باسه سه‌رۆكی گه‌وره‌ترین پارتی نێو په‌رله‌مانی ئه‌وروپا به‌نیازه له‌رێگه‌ی لاوانی سیاسی كوردستانه‌وه سه‌ردانی ھه‌ولێر بكات.
خالید عه‌لی
کۆمێنت (0)
تا ئێستا هیچ کۆمێنتێک نەکراوە.